គូស្នេហ៍តារាសម្ដែងលេចធ្លោមួយគូគឺកញ្ញា ស៊ីន យូប៊ីន និងលោក ខាត់ វៃហាំង បានបង្ហាញពីភាពផ្អែមល្ហែមរបស់ពួកគេកាត់តែខ្លាំងឡើងៗ បន្ទាប់ពីអ្នកទាំងពីរបានដឹកដៃគ្នាទៅគាំទ្រជំនួបរវាងក្លិប Manchester United ជាមួយក្លិប Liverpool នៅទីក្រុង បាងកក ប្រទេស ថៃ កាលពីពេលថ្មីៗ។
ភាពផ្អែមល្ហែមរបស់ពួកគេធ្វើឱ្យទស្សនិកជន និងអ្នកគាំទ្ររបស់ពួកគេទាំងលាន់មាត់សរសេរជាខ្លាំង។ ក្នុងនោះក៏មានហ្វេនៗច្រណែនមិនស្ទើនោះទេ ចំពោះពេលវេលាដែលអ្នកទាំងពីរចំណាយពេលជាមួយគ្នាលើកនេះ។
តារាសម្ដែងឈានមុខរូបនេះបាននិយាយថា៖”មិនបាច់ធ្វើជាមនុស្សស្រីដែលឈរនៅពីក្រោយមនុស្សប្រុសនោះទេ តែធ្វើជាមនុស្សស្រីដែលកាន់ដៃដើរព្រមកំដរគេ ធ្វើគ្រប់យ៉ាងដែលគេចង់ធ្វើ និងទៅកន្លែងដែលគេចង់ទៅ មិនថាជាការងារឫជាចំណង់ចំនូលចិត្តប្រចាំថ្ងៃរបស់គេនោះទេ ។ ហើយក៏មិនចាំបាច់អង្គុយcallតាមគេគ្រប់ពេលដែលគេទៅដើរលេងជាមួយមិត្តគេនោះដែរគឺយើងទៅជាមួយគេតែម្តងទៅ ។ មនុស្សស្រីដែលឆ្លាតគឺមនុស្សស្រីដែលអាចបត់បែនបានគ្រប់កាលៈទេសៈណាស្រីៗគ្នាយើង”។
មិនត្រឹមតែចំណាយពេលជាមួយគ្នាក្នុងការទស្សនាជំនួប Manchester United និង Liverpool នៅប្រទេស ថៃប៉ុណ្ណោះទេ តារាលេចធ្លោទាំងពីរដួងក៏តែងបង្ហាញពីភាពផ្នែមល្ហែមរបស់ពួកគេនៅកន្លែផ្សេងទៀតមិនចេះដាច់ផងដែរ។ ជាក់ស្ដែងថ្មីៗអ្នកទាំងពីរក៏បង្ហាញពីស្នេហាស្អិតរមួតរបស់ពួកគេនៅលើកោះដ៏ល្បីឈ្មោះមួយផងដែរ។
ការបញ្ចេញរូបភាពផ្អែមល្ហែមជាមួយគ្នាមិនចេះដាច់បែបនេះធ្វើឱ្យទស្សនិកជន និងហ្វេនៗអ្នកទាំងពីរយល់ថាចំណងស្្នេហ៍រវាង ស៊ីន យូប៊ីន និង ខាត់ វៃហាំង កាត់តែស៊ីជម្រៅថែមទៀត បើទោះជាពួកគេមិនទាន់បង្ហាញពីគម្រោងចូលរោងការក្នុងពេលឆាប់ៗក្ដី។
សូមបញ្ជាក់ថា ស៊ីន យូប៊ីន និង ខាត់ វៃហាំង គឺជាគូស្នេហ៍មួយរូបតែងតែបង្ហាញរូបភាពផ្អែមល្ហែមជាមួយគ្នាដោយបើកចំហ មិនខ្លាចការរិះគន់ពីទស្សនិកជន។ ឡែកសម្រាប់វិស័យភាពយន្តវិញពួកគេទាំងពីរតែងតែបង្្ហាញស្នាដៃរួមគ្នាមិនចេះដាច់ និងទទួលការគាំទ្រពីទស្សនិកជនកាន់តែខ្លាំង៕