ឆ្លងការការប្រកួតប្រជែងជម្រុះដ៏ស្វិតស្វាញកម្មវិធី Cambodia’s Queen of The Catwalk បានចម្រាញ់បានបេក្ខភាពឆ្នើមៗចំនួន 16រូប ដើម្បីឆ្ពោះទៅកាន់វគ្គផ្ដាច់ព្រ័ត្រនាពេលដ៏ខ្លីខាងមុខ។
បេក្ខភាពឆ្នើម១ទាំង ១៦រូបនៃកម្មវិធីនេះគឺជាកូនសិស្សរបស់លោក ម៉ែន សីហា ហៅ Oliva Kong ដែលជាស្ថាបនិក Cambodia’s Queen of the Catwalk និង ជាម្ចាស់ប្រេនសម្លៀកបំពាក់យីហោ KALKIN CAMBODIA បានក្លាយជា Top កំពូលដែលត្រូវឈានទៅកាន់វគ្គពិសេសៗបន្តទៅទៀតនៅក្នុងរដូវកាលទី1នេះ។
បេក្ខភាពឆ្នើមទាំងនេះនឹងបន្តប្រកួតប្រជែងវគ្គពិសេសៗជាច្រើនទៀតដើម្បីស្វែងរកម្ចាស់ជយលាភី ក្នុងរដូវកាលដំបូងនាពេលដ៏ខ្លីខាងមុខ។
លោក អូលីវ៉ា គង់ បានបង្ហាញពីក្ដីសប្បាយរីករាយនៅពេលកម្មវិធី Cambodia’s Queen of The Catwalk រដូវកាលដំបូងរបស់ខ្លួនបានចម្រាញ់បេក្ខភាពមកសុទ្ធតែឆ្នើមៗ និងពោរពេញដោយសមត្ថភាព ទាំងចំណេះដឹង ការដើរ និងរូបសម្រស់ជាដើម។
តាមរយៈការជ្រើសរើសបានបេក្ខភាពឆ្នើមៗទាំងនេះអ្នកច្នៃម៉ូដល្បីឈ្មោះខាងលើរំពឹងថាការប្រកួតប្រជែងវគ្គពិសេសៗខាងមុខនេះ នឹងកាន់តែស្វិតស្វាញ
បើទោះបីជារដូវកាលដំបូងបែបណាក៏ដោយ។
លោករំពឹងថារដូវកាលដំបូងនៃកម្មវិធីដែលខ្លួនរៀបចំនេះនឹងក្លាយជាកម្មវិធីមួយទទួលការចាប់អារម្មណ៍ខ្លាំងពីទស្សនិកជន។ ជាពិសេសអាចនឹងជ្រើសរើសបានម្ចាស់ជ័យលាភីដែលមានរុបសម្រស់ស្រស់ស្អាត និងមានសមត្ថភាពពិតប្រាកដដើម្បីឆ្ពោះទៅកាន់ឆាកអន្តរជាតិ។
កុំភ្លេចតាមដានទស្សនា កម្មវិធី Cambodia’s Queen of The Catwalk រដូវកាលទី១ នឹងធ្វើការចាក់ផ្សាយនៅលើទំព័រហ្វេសប៊ុក Sabay News Entertainment, Oliva Kong, Sabay News និង Cambodia’s Queen of The Catwalk ចាប់ពីម៉ោង ៧:៣០ នាទីល្ងាច តទៅ៕