ដ្បិតទើបមានវ័យ៦ឆ្នាំក្ដី ក៏ប៉ុន្តែកុមារី គីម អាយវីន ដែលជាស្គាល់ថាជាកូនស្រីរបស់អ្នកស្រី សួន ធីតា ដែលជាអ្នកផលិតមាតិកាលើបណ្ដាញសង្គមល្បីឈ្មោះម្នាក់មានមហិច្ឆតាខ្ពស់លើវិស័យតារាម៉ូដែលនេះ ដោយចង់ក្លាយជាតារាម៉ូដែលលំដាប់អន្តរជាតិម្នាក់នាថ្ងៃអនាគត។
នេះបើតាមការបញ្ជាក់របស់លោក អូលីវ៉ា គង់ ដែលជាគ្រូបង្ចឹកផ្នែកដើរម៉ូដ និងជាអ្នកច្នៃម៉ូដកំពុងល្បីឈ្មោះទាំងនៅក្នុងស្រុក និងលើឆាកអន្តរជាតិ។
លោក អូលីវ៉ា គង់ បាននិយាយថា ដោយសារតែសមត្ថភាព និងមានមហិច្ឆតាខ្ពស់ កុមារី គីម អាយវីន បានបង្ហាញវត្តមានលើវេទិដាដើរម៉ូដធំដូចជាព្រឹត្តិការណ៍រាត្រីចង់ចាំកាលពីពេលថ្មី ការដើរម៉ូដនៅ វៀតណាម និងម៉ាឡេស៊ីជាដើម។
ទន្ទឹមនឹងការបង្ហាញវត្តមានក្នុងព្រឹត្តិការណ៍ធំៗទាំងនៅក្នុងស្រុក និងលើឆាកអន្តរជាតិ រួមទាំងការតាំងចិត្តខ្ពស់ពីគោលដៅទៅថ្ងៃអនាគត គីម អាយវីន កំពុងទទួលការគាំទ្រជាខ្លាំងពីទស្សនិកជន និងលោក អូលីវ៉ា គង់ ផ្ទាល់ដែលជាគ្រូបង្វឹកផ្នែកដើរម៉ូដ។
ការរីកចម្រើនខ្លាំងពីមួយថ្ងៃទៅមួយថ្ងៃបានធ្វើឱ្យម្ដាយ គីម អាយវីន ជាអ្នកផលិតមាតិកាលើបណ្ដាញសង្គម បង្ហាញក្ដីរីករាយ និងមោទកភាពជាខ្លាំង និងស្ទើរមិនគួរឱ្យជឿពីកូនស្រីរបស់ខ្លួនដោយវ័យទើប ៦ឆ្នាំប៉ុណ្ណោះ ក៏ប៉ុន្តែកុមារីរូបនេះអាចមានសមត្ថភាពដើរក្នុងព្រឹត្តិការណ៍ធំៗទាំងក្នុងស្រុក និងក្រៅស្រុកបាន។
អ្នកនាងកំពុងជំរុញលើកទិឹកចិត្តកូនស្រីបន្ថែមទៀតដើម្បីធ្វើយ៉ាងណាអាចសម្រេចក្ដីបំណងធំ ដែលជាគោលដៅទីថ្ងៃអនាគត សម្រាប់ការដើរលើវិថីមួយនេះ។
សូមបញ្ជាក់កុមារី គីម អាយវីន គឺជាកូនសិស្សដ៏ឆ្នើមម្នាក់របស់លោក អូលីវ៉ា គង់ ដែលជាអ្នកច្នៃម៉ូដ និងជាគ្រូបង្វឹកដើរម៉ូដល្បីឈ្មោះម្នាក់ក្នុងប្រទេស កម្ពុជា។ កុមារីរូបនេះកំពុងត្រូវបានទំនុកបម្រុងជាខ្លាំងពីអ្នកច្នៃម៉ូដរូបនេះ ដើម្បីចូលរួមដើរម៉ូដក្នុងព្រឹត្តិការណ៍ធំៗបន្តទៀតទាំងក្នុងស្រុក និងក្រៅស្រុកនាពេលដ៏ខ្លីខាងមុខ៕