តារាសម្ដែង និងជាតារាម៉ូដែលល្បីឈ្មោះកញ្ញា មាន សូនីតា បានជូួបគ្រោះធំក្នុងជីវិតដោយបាត់បង់ឪពុកជាទីស្រលាញ់របស់ខ្លួនដោយជំងឺរោគគាពាធ ខណៈស្នាដៃថ្មីរឿង”ពេលម៉ែចាស់ទៅ” បានសម្ពោធចាក់បញ្ចាំងកាលពីយប់មិញ។
ដ្បិតតែឪពុកម្ដាយរបស់នាងបានចែកផ្លូវការដើរហើយក្ដីក៏ប៉ុន្តែការស្លាប់របស់ឪពុកនេះត្រូវកញ្ញាបញ្ជាក់ថាគឺជាការបាត់បង់មនុស្សជាទីស្រលាញ់មួយនាងមិនអាចបំភ្លេចបាន។
នាងបានបញ្ជាក់សារខ្លីលើបណ្ដាញសង្គម Facebook របស់ខ្លួនថា « យ៉ាងណាក៏ជាលោកឪពុក កូនសូមបួងសួងដល់វិញ្ញាណក្ខ័ន្ធលោកពុកបានទៅកាន់សុគតិភពកុំបីឃ្លៀងឃ្លាតឡើយ » ។
ក្នុងថ្ងៃសម្ពោធរឿង « ពេលម៉ែចាស់ទៅ » ម្សិលមិញនេះកញ្ញាក៏បានបង្ហាញមុខម្ដាយរបស់ខ្លួនជាសាធារណៈផងដែរដោយនាងយល់ថាសាច់រឿងនេះគឺត្រូវនឹងសាច់រឿង និងម្ដាយរបស់ខ្លួន។ តែយ៉ាងណាព្រឹកឡើងស្រាប់តែមានដំណឹងមិនល្អពីការចាកចេញរបស់ពុកភ្លាមធ្វើឱ្យនាងពិបាកទទួលយកបាន។
សូមបញ្ជាក់ថាស្នាដៃថ្មីរបស់នាងដែលសម្ដែងជាមួយតារាប្រុសល្បីឈ្មោះលោក អែត វីន គឺរឿង”ពេលម៉ែចាស់ទៅ” នឹងចាក់បញ្ចាំងជាផ្លូវការនៅតាមរោងភាពយន្តនានាពីថ្ងៃទី ១៦ ខែមិថុនា ឆ្នាំ២០២២ស្អែនេះតទៅ៕
