តារាសម្តែងអ្នកនាង លី ច័ន្ទសីហា បានលេចមុខក្នុងរឿង « ពេលម៉ែចាស់ទៅ » ដែលជាស្នាដៃថ្មីរបស់អ្នកស្រី ពាន់ ភួងបុប្ជា ផងដែរទើបសម្ពោធចាក់បញ្ចាំងកាលពីពេលថ្មីៗ ។
តារាសម្ដែងធ្លាប់មានកេរ្តិ៍ឈ្មោះល្បី បានប្រាប់ថាជីវិតជា Single Mum សប្បាយជាងជីវិតមានគ្រួសារ មិនទទួលរងសម្ពាធអ្វីទាំង មិនថាចង់ធ្វើអ្វី ចង់ទៅណា មិនខ្វល់អ្វីទាំងអស់ ។
ពេលនេះកូនស្រីរបស់នាង មានវ័យ ៤ ឆ្នាំហើយ ថ្វីដ្បិតតែនិយាយដូច្នេះក្តី លី ច័ន្ទសីហា ក៏មានបំណងគិតគូពីរឿងគ្រួសារថ្មីដែរ គ្រាន់តែក្នុងពេលនេះ នាងពុំទាន់រកមនុស្សដែលខ្លួនអាចពឹងពាក់បាន ដូច្នេះហើយទើបនាងបន្តជីវិតជា Single Mum តទៅមុខទៀត ។
លី ច័ន្ទសីហា ជាតារាសម្តែងដ៏មានទេពកោសល្យ តែចាប់តាំងពីមានគ្រួសារ នាងក៏បានផ្តាច់ខ្លួនឆ្ងាយពីសិល្បៈ ជាពិសេសតាំងពីមានកូនមក ធ្វើឱ្យរូបរាងនាងប្រែទៅធាត់ជាងមុន ដូច្នេះហើយទើបនាងមិនមានការជឿជាក់ក្នុងការវិលត្រឡប់មកសាងស្នាដៃឡើងវិញ ។
ជួបជាមួយ លី ច័ន្ទសីហា កាលពីពេលថ្មីៗនេះនាងបានឱ្យដឹងថា ពេលនេះនាងកំពុងមមាញឹកនៅក្នុងការងាររកស៊ី។ នាងបានបោះទុនលើអាជីវកម្មជាច្រើន ទើបមិនមានពេលវេលាដើម្បី ទទួលថតរឿងឡើងវិញ ប៉ុន្តែទោះជាយ៉ាងណាឆ្នាំក្រោយនាងទទួលការងារសិល្បៈឡើងវិញហើយ ៕
