ឆ្នាំនេះហាក់មានការផុសផុលខ្លាំងណាស់សម្រាប់កម្មវិធី Miss Universe ដែលជារដូវកាលទី៦ ព្រោះតែមកុដមានតម្លៃដល់ ១៨ម៉ឺនដុល្លារហើយ ថែមទាំងរើសបានបវរកញ្ញាដ៏ស្រស់ស្អាត និងពោរពេញដោយសមត្ថភាពធ្វើឱ្យទស្សនិកជនកោតសរសេរជាខ្លាំងទាំងក្នុង និងក្រៅប្រទេស។
ជាក់ស្ដែងនៅក្នុងបណ្ដាញសង្គមគឺពិតជាមានការគាំទ្រខ្លាំងមែនទែងសម្រាប់ ហង្ស ម៉ានីតា ដែលជាម្ចាស់មកុដឆ្នាំ២០២២នេះ។ មិនត្រឹមតែក្នុងស្រុកប៉ុណ្ណោះទេក្រៅប្រទេសឯណោះវិញក៏ផុសផុលផងដែរដោយកោតសរសើរពីយុវតី
១៦៧សង់ទីម៉ែត្រ រូបនេះថាពិតជាមានសមត្ថភា និងបទពិសោធន៍ខ្លាំងមែនទែនដែលអាចឈានទៅកាន់ឆាកអន្តរជាតិកាន់តែងាយស្រួល។
ជាមួយសត្ថភាពសមត្ថភាពិសេស អាចនិយាយបាន បានយ៉ាងស្ទាត់ជំនាញដូចជា ខ្មែរ បារាំង និងអង់គ្លេស ហើយធ្លាប់ឈានជើងក្នុងការប្រឡងបវរកញ្ញា Miss Tourism Cambodia ឆ្នាំ ២០១៥ និងជាប់ជាបវរកញ្ញាឯករងលំដាប់ទី ២ ក្នុងកម្មវិធី Miss Tourism Metropolitan International ឆ្នាំ២០១៦។ បវរកញ្ញវ័យ ២៣ឆ្នាំរូបនេះ បានបញ្ចប់ការសិក្សាថ្នាក់បរិញ្ញាបត្រ ផ្នែកគណនីនិងហិរញ្ញវត្ថុនៅសាលា Cam-ED Business School។
ទាក់ទងបញ្ហានេះលោក ម៉ែន និមលរតន៍ អ្នកចាត់ការទូទៅកម្មវិធី Miss Universe Cambodia បានបង្ហាញពីភាពសប្បាយរីករាយនៅពេលឃើញព្រឹត្តិការណ៍នេះពីមួយឆ្នាំទៅមួយឆ្នាំទទួលការគាំទ្រពីទស្សនិកជន។ ជាពិសេសសម្រាប់ឆ្នាំទី៦ នេះតែម្ដងព្រោះតែមានការជួយជ្រោមជ្រែងពីម្ចាស់ហាងពេជ្រខាងលើសម្រាប់មកុដដ៏ស្រស់ស្អាត និងទាក់ទាញធ្វើឱ្យកម្មវិធីទាំងមូលកាន់តែទទួលការគាំទ្រពីទស្សនិកជន។
សម្រាប់ម្ចាស់ជយលាភីកញ្ញា ហង្ស ម៉ានីតា លោកបានប្រាប់ ក្បោះក្បាយថា សមត្ថភាព សម្រស់ និងបទពិសោធន៍ជោគជាំនានាលើវិថីសិល្បៈ និងម៉ូដែលគឺសក្កិសមសម្រាប់ជយលាភីឆ្នាំនេះ។
លោកមានក្ដីរំពឹងថាម្ចាស់ជយលាភី Miss Universe Cambodia 2022 ឆ្នាំនេះនឹងធ្វើឱ្យកម្ពុជាកាន់តែលេចមុខលេចមាត់ច្រើនថែមទៀតលើឆាកអន្តរជាតិ ដែលកញ្ញានឹងចូលរួមប្រកួតថ្នាក់អន្តរជាតិក្នុងពេលដ៏ខ្លីខាងមុខ។
សូមបញ្ជាក់ថាក្រោយក្លាយជាម្ចាស់ជយលាភីនេះ តារាម៉ូដែលកូនកាត់ខ្មែរ បារាំង នឹងចុះធ្វើសកម្មភាពមនុស្សធម៌មួយចំនួនតាមទីតាំងបានកំណត់មុនពេលបន្តបេសកកម្មនៅលើឆាកអន្តរជាតិក្នុងពេលដ៏ខ្លីខាងមុខ៕