អ្នកនាង គង់ សុជាតិ និងស្វាមីលោក ជា វិបុល យប់មិញបានរៀបមង្គលការកូនប្រុសរបស់ខ្លួន ដោយមានការអញ្ចើញចូលរពីសំណាក់តារាល្បីៗ និងអ្នកមានមុខមាត់ក្នុងសង្គមជាតិ។
អ្នកនាងពិតជារំភើបចិត្តខ្លាំង នៅពេលឃើញកូនប្រុសខ្លួនអាចរកឃើញសុភមង្គលរបស់ពួកគេ។ អ្នកនាងថា ពេលវេលាដែលរងចាំបានមកដល់ ពិតជារីករាយនឹងរំភើបចិត្ត ជាថ្ងៃជ័យ សិរីមង្គលរបស់កូនទាំងពីរ ។
ពិធីការិនីរូបនេះបានអញ្ជើញមិត្តភក្តិក្នុងនិងសិល្បៈជាច្រើនចូលរួមអបអរសាទរក្នុងពិធីមង្គលការកូនប្រុសខ្លួនដែលរៀបចំឡើងនៅ ព្រីមៀមសែនសុខ ។ ក្នុងចំណោមអ្នកសិល្បៈល្បីៗអ្នកនាង គង់ សុជាតិ គឺជាអ្នកសិល្បៈម្នាក់ដែលមានកូនរៀបការមុនគេ ។
អ្នកនាងបានផ្អាកមិនទទួលការងារ អ្វីទាំងអស់ ដើម្បីធ្វើជាមេបាដល់កូនប្រុស ។ អ្នកនាងថា ថ្ងៃពិសេសរបស់កូនប្រុសគ្មានការងារអ្វីសំខាន់ជាងត្រូវនៅជាមួយកូនប្រុសនោះទេ ដូច្នេះអ្នកនាងគឺសុំមិនទទួលការងារអ្វីទាំងអស់ ចាំរៀបចំមង្គលការកូនចប់ថ ចាំទទួលការងារ ។
អ្នកនាង គង់ សុជាតិ ជាអ្នកម្តាយសម័យថ្មីម្នាក់ ដែលមិនចូលចិត្តបង្ខំកូនធ្វើអ្វីមួយដែលគេមិនចង់ធ្វើ ជាក់ស្តែងសូម្បីតែពិធីមង្គលការកូនប្រុស អ្នកនាងក៏មិនបានជំទាស់អ្វីដែរ សំខាន់កូនទាំងពីរស្រឡាញ់គ្នា និង អាចរស់នៅជាមួយគ្នាបាន ។ អ្នកនាង កូនប្រសារអ្នកនាងគឺជាកូនចៅអ្នករកស៊ីធម្មតា មិនមែនជាកូនអ្នកធំមកពីណាទេ ៕
