ជាងមួយសប្ដាហ៍មកហើយរឿងរសើបរបស់បេក្ខភាព Miss Universe Cambodia 2022 ពាក់ស្លាកលេខ៧ កញ្ញា សុគន្ធ ចរិយា ដែលត្រូវអតីតភរិយាចោលទេបានដណ្ដើមប្ដីគេនៅមិនទាន់រលត់នោឡើងទេ ដោយមានអ្នកបន្តវែកញែកជាបន្តបន្ទាប់។ ជាពិសេសក្នុងស្នេហាត្រីកោណនេះ បានចោទប្រកាន់គ្នាទៅវិញទៅមក រកត្រូវរៀងៗខ្លួន ហើយរហូតដល់ការត្រៀមប្ដឹងផ្ដល់គ្នាទៀតថែមនាពេលថ្មីៗនេះ។
ជាក់ស្ដែងលោក គួច ខេវិន ដែលជាអ្នកផលិតកម្មវិធីល្បីឈ្មោះមួយរូបដោយទើសភ្នែកពេកលោកក៏បានលូកដៃចូលក្នុងរឿងនេះដែរនាពេលថ្មីៗ។ ក្នុងនោះលោកដាក់បន្ទុកខ្លាំងជាងគេលើអតីតបេក្ខភាព សុគន្ធ ចរិយា ដោយអះអាង នាងមានរូបសម្រស់ស្រស់ស្អាតបែបនេះមិនគួរណាទៅដណ្ដើមប្ដីគេដូច្នេះទេ។
លោកបានបញ្ជាក់ថា៖”កុំតែបច្ចុប្បន្នមានច្បាប់គ្រប់គ្រង”អាស៊ីត”បានល្អកុំអីករណីស្រីល្អឈូរឆបាក់ ក ទៅទាក់ប្តីគេម្លេះអាចត្រូវរងការវាយប្រហារជាយថាហេតុ ព្រោះតែកំហឹងដោះស្រាយបញ្ហាដូចពេលមុនក៏មិនដឹង?”
បន្ថែមពីការដាក់បន្ទុកខ្លាំងៗលើអតីតបេក្ខភាពខាងលើរឿងដន្ដើមប្ដីគេ អ្នកផលិតកម្មវិធីល្បីឈ្មោះរូបនេះក៏បង្ហាញការអាណិតអាសូរពួកគេទាំង៣ផងដែរ។
អាណិតដោយលោកបញ្ជាក់ថា៖”ចំណែកខ្ញុំមានចិត្តអាណិតសង្វេគពួកគេទៅវិញ ! អាណិតនាងប្រពន្ធដើមដែលមានចិត្តថ្លើមប្រដូច”ព្រះ”ឲ្យប្តីយកស្រីចូលមកក្នុងផ្ទះចែកឲ្យជ្រះឲ្យច្រំសព្វសារ ពើ នេះម៉្យាង។ ម៉្យាងវារិតតែអាណិតបុរសជាប្តីល្ងីល្ងឺ មើលឃើញងងើកភ្លើងថាជាគ្រាប់ស្ករ។ អាណិតស្រីល្អខ្វះប្រុសទំនេរ ឆ្ងាញ់តែប្តីគេព្រោះតែទ្រព្យ អាណិតត្រង់ថាវាគ្មានស្គាល់គុណធ៌ម គ្មានសិលធ៌ម សូម្បីបន្តិចណាសោះ វាល្ងង់ពេក ហើយចេះមកដោះសារលីលាយកត្រូវរៀងៗខ្លួន”។
លោកបានបន្ត ដោយផ្ដោតលើច្បាប់ឯកព័ន្ធភាពថា ក្រឡេកទៅមើលច្បាប់ឯកព័ន្ធភាព វាមិនឆ្កួតរហូតបែបនេះឡើយ។ នេះមិននិយាយដល់ការជ្រើសជ្រាវរាវរកបវរកញ្ញាកណ្តាលលំហរដប់ថ្នេរក៏ចូលទៅប្រកួតបាននោះផង។ ឱ!សិលធ៌មខ្មែរ អ្នកទៅដល់ណាហើយ បានជាពួកមានភ្នែកអត់ប្រស្រីរកអ្នកមិនឃើញ។
សូមបញ្ចាក់ក្នុងរឿងរសើបស្នេហាត្រីកោណនេះ ដំនឹងចុះក្រោយបានឱ្យដឹងថា អតីតបេក្ខភាព Miss Universe សុគន្ធ ចរិយា កំពុងដាក់ពាក្យប្ដីគូស្នេហ៍ និងអតីតប្រពន្ធដើមពីការធ្វើឱ្យខូចកេរ្តិ៍ឈ្មោះរបស់នាង រួមនឹងផលប្រយោជន៍ដទៃទៀត៕
