សមត្ថកិច្ចឲ្យដឹងថា បុរសជាប្តីម្នាក់បានប្រើអំពើហឹង្សា យកដំបងឈើ វាយទៅលើភរិយារបស់ខ្លួនកំពុងមានផ្ទៃពោះ បណ្តាលឲ្យរងរបួសធ្ងន់ រលូតកូនក្នុងផ្ទៃ និងក្រោយមកស្ត្រីរងគ្រោះបានស្លាប់នៅមន្ទីរពេទ្យ បន្ទាប់មកបុរសជាប្តីរូបនេះបានរត់គេចខ្លួន ហើយបច្ចុប្បន្នសមត្ថកិច្ចកំពុងតាមស្វែងរកដើម្បីចាត់ការបន្តតាមនិតិវិធី។
របាយការណ៏បឋមពីសមត្ថកិច្ចថា ហេតុការណ៏ហឹង្សានេះ កើតឡើងកាលពីម៉ោងជាង៩យប់ថ្ងៃទី១០ឧសភា២០២២ នៅក្នុងផ្ទះគ្រួសារនេះផ្ទាល់ នៅភូមិជើងគោ ឃុំជើង គោ ស្រុកព្រៃនប់ ខេត្តព្រះសី ហនុ ។ ក្រោយកើតហេតុស្ត្រីរងគ្រោះត្រូវបានបញ្ជូនមកសង្គ្រោះនៅមន្ទីរពេទ្យបង្អែកខេត្តព្រះសីហនុ ហើយបានស្លាប់នៅមន្ទីរពេទ្យ នារសៀលថ្ងៃទី១១ឧសភា២០២២។
សមត្ថកិច្ចបញ្ជាក់ថា ជន សង្ស័យជាប្តី ឈ្មោះ យ៉ែម ចិន្តា អាយុ ៣៧ ឆ្នាំ មុខរបរ កម្មករដុតធ្យូង បានធ្វើសកម្ម ភាពវាយទៅលើជនរងគ្រោះឈ្មោះ វុន វ៉ាន់ ភេទស្រីអាយុ ៣៦ឆ្នាំ ត្រូវជាភរិយារបស់ខ្លួន រស់នៅក្នុងផ្ទះជាមួយគ្នា ។
ប្រភពពីអ្នកជិតខាងអះអាងថា គ្រួសារនេះនៅមានកូនតូចនៅក្នុងផ្ទះចំនួន៥នាក់ទៀត អាយុពី១៥ឆ្នាំចុះក្រោម (ប្រុស៣នាក់ស្រី២នាក់) ក្លាយទៅជាកូនកំព្រា នឹងជួបការលំបាក ដោយសារតែស្ត្រីជាម្តាយបានស្លាប់ ហើយបុរសជាឪពុកកំពុងរត់គេចខ្លួនចេញពីផ្ទះ៕ 