ជម្លោះរវាងលោកជំទាវ ហ៊ុន ស៊ីណាត និងលោក ផែង វណ្ណៈ បានបញ្ចប់ហើយក្រោយ ផែង វណ្ណៈ ទៅសុំទោសជាសាធារណៈដល់ផ្ទះលោកជំទាវតាមរយៈផ្លែឈើមួយកន្ត្រក។
រូបភាពជូនផ្លែលើមួយកន្ត្រកនេះហើយជាដើមទុនធ្វើអោយបណ្ឌិត សុខ ទូច ដែលជាប្រធានរាជបណ្ឌិតសភាកម្ពុជា យកជាពាក្យចំអក និងរិះគន់គូជម្លោះទាំងពីរ។
លោកបណ្ឌិត សុខ ទូច បានខំមិនជាពាក្យឌឺដងក្នុងបណ្ដាញសង្គមលោក ផែង វណ្ណៈដូច្នេះថា៖”ផ្លែឈើមួយកន្ត្រកនេះ ជាមេធាវីដ៏មានប្រសិទ្ធភាព”។
ពាក្យពេចន៍របស់បណ្ឌិតល្បីឈ្មោះរូបនេះ បានទទួលការគាំទ្រជាខ្លាំងពីអ្នកលេងបណ្ដាញសង្គម Facebook រហូតដល់មានអ្នកខ្លះទាំងលោក ជំទាវ ហ៊ុន ស៊ីណាត និងលោក ផែង វណ្ណៈ សម្ដែងដើម្បីអោយមហាជនចាប់អារម្មណ៍ទៀត។
មុនការចេញសុំទោសជាសាធារណៈនេះលោក ជំទាវ ហ៊ុន ស៊ីណាត មានការខឹងសម្បារជាខ្លាំងទៅលើលោក ផែង វណ្ណៈ ពីរឿងយកត្រកូល ហ៊ុន ទៅជាន់ឈ្លីដែលមិនអាចអត់អោនអោយបាន។ ក្នុងនេាះលោកជំទាវថែមទាំងបានដាក់ពាក្យប្ដឹងលោកបផែង វណ្ណៈ និងគម្រាមអ្នកជួយអន្តរាគមន៍ទៀតផង។ តែយ៉ាណាចុងក្រោយអ្នកទាំងពីរក៏សម្រួលគ្នាបញ្ចប់ពាក្យបណ្ដឹងទៅកាន់តុលាការ។
តាមរយៈបណ្ដាញសង្គមរបស់ខ្លួនលោក ផែង វណ្ណៈ បាននិយាយថា ក្រោយភ្លៀងមេឃស្រលះ !ខ្ញុំបាទបានការអនុញ្ញាតពីអ្នកមីង ហ៊ុន ស៉ីណាត ចូលជួបដេីម្បីធ្វេីការសុំទោសអ្នកមីង និង ទទួលយកការណែនាំពីអ្នកមីងដេីម្បីកែប្រែនូវចំណុចខ្វះខាតដេីម្បីបន្តការងារលេីបណ្ដាញសង្គមហ្វេសប៊ុកតទៅមុខទៀត ។ ក្មួយសូមគោរពជូនពរអ្នកមីង មានសុខភាពល្អ បរិបូណ៌ អាយុយឺនយូរ ដេីម្បីបន្តបំរេីប្រជាពលរដ្ឋតទៅទៀតក្រោមម្លប់សន្តិភាពនៃការដឹកនាំរបស់សម្ដេចតេជោ ហ៊ុន សែន“។
គួរអោយដឹងថា មុននឹងមានការសម្របសម្រួលគ្នាបែបនេះ ទាំងលោក ជំទាវ ហ៊ុន ស៊ីណាត និងលោក ផែង វណ្ណៈ បាន live លើបណ្ដាញសង្គមរបស់ខ្លួនរៀងៗខ្លួនជុំវិញ រឿង ពូចក់ និងភរិយាអ្នកនាង ទ្រិញ ផល្លា រហូតធ្វើអោយលោកជំទាវសម្រេចចិត្តដាក់ពាក្យប្ដឹងលោក ផែង វណ្ណៈទៅកាន់ តុលាការទៀតផង៕