ទើបតែបង្ហាញពីចំណងស្នេហ៍ដ៏រឹងមាំ ព្រមទាំងមានចាស់ទុំទាំងសងខាងដឹងលឺមិនបានប៉ុន្មានផង ស្រាប់តែនៅព្រឹកនេះតារាសិចស៊ី អៀរ ម៉េងលិ ប្រកាសបែកគ្នាជាមួយសង្សារ ៥ ឆ្នាំខ្លួនទៅវិញ ?
តាមរយៈសារដែល អៀរ ម៉េងលិ បង្ហោះនៅលើហ្វេសប៊ុកនាពេលប៉ុន្មានម៉ោងមុននេះ នាងបានរៀបរាប់រួមជាមួយភ្ជាប់រូបភាពមួយសន្លឹកជាមួយគូស្នេហ៍ខ្លួនថា « នាងខ្ញុំសុំប្រកាសជាសធារណៈ ថានាងខ្ញុំជាមួយបរុសមួយនេះបានបែកគ្នាហើយ ចឹងសុំបងប្អូនដែលជួបនាងខ្ញុំនៅខាងក្រៅទាំងអស់សូមកុំសួរ អំពីបរុសនេះពីនាងខ្ញុំទៀត ព្រោះមិនចង់លឺ សូប្បីតែឈ្មោះ ហើយបងៗទាំងអស់គ្នាកុំថាអោយនាងបែកគ្នាក៏ប្រកាសដែរ ព្រោះស្រលាញ់គ្នាក៏ផុសជាសាធារណៈអោយបងប្អូនដឹង ចឹងបែកគ្នាក៏ផុសជាសាធារណៈ អោយប្អូនដឹង 5ឆ្នាំត្រូវបានបញ្ចប់ ខ្ញុំជាមួយម្នាក់នេះគឺមិនអាចទៅរួចទេ លើកនេះគឺបញ្ចប់ពិតមែន ហើយក៏មិនឈ្លោះគ្នាដែល គឺ បញ្ចប់តែម្ដង ស្រីៗប៉ះម្នាក់និងត្រៀមខ្លួនទៅ » ។
បន្ទាប់ពីឃើញសាររៀបរាប់បែបនេះហើយ ធ្វើអ្នកក្នុងនិងក្រៅសិល្បៈជាច្រើនមានការភ្ញាក់ផ្អើល ពីព្រោះ អៀរ ម៉េងលិ ទើបតែប្រកាសនិងបង្ហាញពីក្តីស្នេហ៍ខ្លួនយ៉ាងរឹងមាំមិនបានប៉ុន្មានផង ស្រាប់តែពេលនេះឈានដល់ការបែកបាក់ទៅវិញ ?
កាលពីដើមខែ កក្កដា កន្លងមកនេះ អៀរ ម៉េងលិ បានរៀបរាប់ពីចំណងស្នេហ៍ដ៏រឹងមាំរបស់ខ្លួន ជាមួយបុរសកូនអ្នកមានទ្រព្យនៅ ខេត្ត កោះកុង ដែលបានបញ្ចប់ការសិក្សានៅប្រទេស ឥណ្ឌា សូម្បីតែចាស់ទុំទាំងសងខាងក៏បានដឹងលឺពីរឿងនេះដែរ ។ នាពេលនោះ អៀរ ម៉េងលិ ថែមទាំងបាននិយាយថា ៖
អៀរ ម៉េងលិ ជាតារាស្រីសប្បូរស្នេហ៍មួយរូបដែលមានរូបសម្រស់ស្រស់ស្អាត នាងមិនខ្លាចក្នុងការបែកបាក់ស្នេហ៍នោះទេ កន្លងមកនាងថែមទាំងធ្លាប់និយាយថា បែកសង្សារម្តងៗនាងចំណាយពេលវេលា ព្យាបាលរបួសត្រឹមតែ ១ សប្តាហ៍យ៉ាងយូរ គឺនាងអាចធ្វើចិត្ត និងកាត់ចិត្តបានហើយ ជាក់ស្តែងដូចពេលបែកបាក់ស្នេហ៍នាយ ចឺម ដោយនាងចំណាយពេលវេលាត្រឹមតែ ១ សប្តាហ៍ប៉ុណ្ណោះ ។
អៀរ ម៉េងលិ សុំមិនបកស្រាយច្រើនអំពីការបែកបាក់ស្នេហ៍របស់ខ្លួនលើកនេះ ដោយពេលនេះនាងសុំពេលព្យាបាលរបួសបេះដូងខ្លួនសិន ៕
