បេក្ខភាពលេខធ្លោ Cambodia Idol ថុល សុភិទិ ទប់ទឹកភ្នែកមិនបានទេកាលពីយប់មិញនេះ ដោយសារតែទទួលការកោតសើរសើរជាខ្លាំងពីគណៈកម្មការទាំង៤រូបមានដូចជា ណុប បាយ៉ារិទ្ធ ឱក សុគន្ធ កញ្ញា សុខ សីឡាលីន និង ឆន សុវណ្ណរាជ ជាដើម។
អាចថានេះជាលើកដំបូងក៏ថាបានសម្រាប់បេក្ខភាពលេចធ្លោរូបនេះ ដែលអាចឆក់យកបោះដូងគណៈកម្មការទាំង៤រូប រួមទាំងទស្សនិកជន ដែលមិនធ្លាប់កើតមានឡើងនោះទេសម្រាប់ ថុល សុភិទិ។
បេក្ខភាពដែលទទួលការចាប់អារម្មណ៍ពីទស្សនិកជនតាមរយៈការបកស្រាយបទចម្រៀង”មិនអាចឃាត់ទេ” របស់តារាចម្រៀង Original Song វ័យក្មេងដ៏ល្បីឈ្មោះគឺលោក ម៉ម បញ្ហារិទ្ធ បានបង្ហាញពីក្ដីរីករាយនៅពេលទទួលការចាប់អារម្មណ៍ និងសរសើរបែបនេះ ហើយលោកបានសន្យាថានឹងប្រឹងប្រែងឱ្យល្អថែមទៀតនៅវគ្គក្រោយ ដើម្បីអាចក្លាយជាម្ចាស់ជយលាភីសម្រេចតាមគោលបំណងរបស់ខ្លួន។
សូមបញ្ជាក់ថា ការប្រឡងកម្មវិធី Cambodia Idol យប់មិញនេះប្រធានបទក្នុងកម្មវិធីសម្រាប់វគ្គ Live Show សប្ដាហ៍ទី ៤ គឺការបង្ហាញសមត្ថភាពបែប Rock Star ដែលជាចំណីអារម្មណ៍ថ្មីមួយរបស់ទស្សនិកជន។
រយៈពេល ៤សប្ដាហ៍ហើយ សម្រាប់វគ្គ Live Show ដែលទស្សនិកជនបានឃើញសមត្ថភាពសម្ដែងផ្ទាល់របស់ បេក្ខភាព Cambodian Idol។ ជារៀងរាល់សប្ដាហ៍ មានបេក្ខជនរបូតពីកម្មវិធីទៅជាហូរហែ ទោះបីជាគណៈកម្មការមានសិទ្ធិ Save ឲ្យពួកគេអាចបន្តទៅវគ្គក្រោយៗ ប៉ុន្តែវាជាការពិចារណាដ៏ពិបាក និងតានតឹងបំផុត។ មួយរដូវកាល គណៈកម្មការម្នាក់ មានសិទ្ធិ Save បេក្ខភាពទៅវគ្គក្រោយ បានតែ ១ ដងប៉ុណ្ណោះ។ ៣ សប្ដាហ៍ហើយដែល Judge មិនបាន Save ប៉ុន្តែសម្រាប់សប្ដាហ៍ទី ៤ នេះ ក្រោយមានការពិភាក្សាយ៉ាងហ្មត់ចត់រួមគ្នា Judge ក៏សម្រេច Save បេក្ខជន ណាន វីសារ អាចរួមដំណើរជាមួយកម្មវិធីទៅវគ្គក្រោយ ដោយមានការសាទរយ៉ាងខ្លាំង៕
