Miss & Mister Freshy ដែលជាកម្មវិធីប្រកួតប្រជែងសម្រស់បែបថ្មី មិនធ្លាប់មានពីមុនមកផ្ដើមយុទ្ធនាការសម្ភាសន៍ជ្រើសរើសបេក្ខភាពបានដាក់ពាក្យចូលរួមប្រកួតប្រជែងចាប់ពីរសៀលថ្ងៃទី១៩ ខែសីហា ឆ្នាំ២០២២នេះតទៅហើយនៅការិយាល័យ CIM ផ្ទាល់ដែលមានទីតាំងនៅផ្សារទំនើប អូឡាំព្យា។
ជាមួយគណ:កម្មការជំនាញទាំង៥រូបរបស់យេីងបេក្ខជនបេក្ខនារីនឹងទទួលបានចំណេះដឹងបន្ថែមទៀតពីគណៈកម្មការ ទាំងអ្នកបានឆ្លងទៅវគ្គបន្ត និងអ្នកដែលមិនបាឆ្លងទៅវគ្គបន្តទៀត។
លោក ម៉ែន និមលរតន៍ អ្នកចាត់ការទូទៅ CIM Stars បាននិយាយកាលពីពេលកន្លងទៅថ្មិៗថា Miss & Mister Freshy 2022 គឺលោក និងក្រុមការងារបានសម្រិតសម្រាំងឡើងដោយមានលក្ខណៈប្លែកពីកម្មវិធីប្រកួតមួយចំនួនទៀតលោកធ្លាប់ធ្វើកន្លងមក។
អ្នកចាត់ការទូទៅល្បីឈ្មោះរូបនេះបន្តថា concept ទាំង៥ដែលបេក្ខភាពទាំងពីររូបនេះនឹងធ្វើក្រោយដាក់ពាក្យហើយមានដូចជា ការថតរូប និងវីដេអូសម័យ សម័យ អង្គរ សម័យ លង្វែក សម័យ ចតុមុខ និងសម័យបច្ចុប្បន្ន។
បន្ទាប់ពីថតរូបភាពនិងវីដេអូរួចហើយគណៈកម្មការនឹងវាយតម្លៃដាក់ពិន្ទុដើម្បីស្វែងរកបេក្ខភាព ១២គូចុងក្រោយដើម្បីឈានទៅកម្មវិធីសន្និសីទសារព័ត៌មាន និងប្រកួតវគ្គផ្ដាច់ព្រ័ត្រ។
កម្មវិធី Miss & Mister Freshy 2022 នឹងប្រកតួតផ្ដាច់ព្រ័ត្រនាចុងខែ តុលា ឆ្នាំ២០២២ខាងមុខ ហើយបេក្ខភាពដែលជាប់ជាជយលាភីនឹងបានបង្ហាញវត្តមានក្នុងកម្មវិធីប្រគំតន្ត្រី Freshy Concert នាពិធីបុណ្យអុំទូកខាងមុខ ក៏ដូចជាការចូលរួមប្រកួតប្រជែងលើឆាកអន្តរជាតិនានាថែមទៀត៕
