លោក សាន្ត ប៊ុនធឿន ចាងហ្វាងកាសែតសំឡេងស្នេហាជាតិ កាលថ្ងៃទី ២១ ខែសីហា ឆ្នាំ២០២២ ត្រូវបានថ្នាក់ដឹកនាំបណ្ដេញចេញពីក្រមខណ្ឌកងយោពលខេមរភូមិន្ទ ដោយសារតែបង្កហេតុធ្វើឱ្យប៉ះពាល់ដល់អង្គភាព និងមានការថ្នាំងថ្នាក់ដល់ប្រជាពលរដ្ឋ។
នៅថ្ងៃទី ២២ ខែសីហា ឆ្នាំ២០២២នេះ យោងតាមប្រកាសរបស់ក្រសួងព័ត៌មាន រដ្ឋមន្ត្រីក្រសួងព័ត៌មាន ឯ.ឧ ខៀ វ កាញារីទ្ធ បានសម្រេចលុបអាជ្ញាបណ្ណ របស់លោកសាន្ត ប៊ុនធឿន ដោយម្ចាស់អាជ្ញាបណ្ណ បានប្រព្រឹត្តិទង្វើអសីលធម៌ ជេរប្រមាថជាសាធារណៈ ធ្វើឱ្យប៉ះពាល់ដល់សីលធម៌សង្គម និងកិត្តិយស សេចក្ដីថ្លៃថ្នូររបស់អ្នកសារព័ត៌មានអាជីព ដែលជាការបំពានយ៉ាងធ្ងន់ធ្ងរលើវិជ្ជាជីវៈសារព័ត៌មាន និងកិច្ចសន្យាអាជីវកម្ម ដែលសាមីខ្លួនបានតម្កល់ទុកនៅក្រសួងព័ត៌មាន។
កាលពីម្សិលមិញ សម្ដេចតេជោ ហ៊ុន សែន បានមានប្រាសន៍ថា ចរិតពាលរបស់សាន ប៊ុនធឿន ប្រាកដជាមិនអាចកែប្រែបានឡើយ។ដើម្បីជួយដល់សាន ប៊ុនធឿននិងប្រពន្ធកូន ខ្ញុំនិងភរិយាបានជួយលុយដើម្បីសាន ប៊ុនធឿនទិញផ្ទះនៅ ថែមទាំងផ្តល់លុយជូនសាន ប៊ុនធឿន៥០០ដុល្លារក្នុងមួយខែតាំងពីឆ្នាំ២០១៨មក។
ខ្ញុំធ្លាប់បានអប់រំសាន ប៊ុនធឿនកុំឱ្យសុីផឹកជេរបញ្ចោរតែចរិតមនុស្សនេះកែមិនឡើងឡើយ។ដើម្បីជៀសវាងនូវការយល់ច្រឡំណាមួយកើតឡើងថ្ងៃនេះខ្ញុំបានបញ្ជាឱ្យមេបញ្ជាការអង្គរក្សស្នើសុំបណ្តេញ
សាន ប៊ុនធឿនចេញពីក្របខ័ណ្ឌកងទ័ព៕
