ក្រោយពីមហាជនចាប់អារម្មណ៍ខ្លាំងលើទំនាក់ទំនងស្នេហារវាងខ្លួន និងបេក្ខភាពលេចធ្លោរបស់ Cambodian Idol ថុល សុភិទិ តារាចម្រៀងល្បីឈ្មោះទើបចែកផ្លូវគ្នាដើរជាមួយគូស្នេហ៍អាណិកជនខ្មែរ អូស្រ្តាលីអ្នកាង ពេជ្រ ពេជ្រ សូលីកា ពេលនេះបានចេញមុខមកបញ្ជាក់ដើម្បីបញ្ចប់ចម្ងល់របស់មហាជនដែលកំពុងសង្ស័យលើពួកគេទាំងពីរ។
តាមរយៈបណ្ដាញសង្គមរបស់ខ្លួនតារាចម្រៀងល្បីឈ្មោះរូបនេះបានបញ្ជាក់ថា៖”ខ្ញុំនឹងគាត់គ្មានទំនាក់ទំនងស្នេហាអ្វីជាមួយគ្នាក្រៅតែពីការងារទេ សូមបងប្អូនកុំយល់ច្រឡំ ហើយពាក្យ Bro and Sis ដែលខ្ញុំលើកឡើងគ្រាន់តែជាការរាប់អានដូចបងប្អូនតែប៉ុណ្ណោះ គ្មានអ្វីលើសពីនេះទេ សូមបងប្អូនឈប់យល់ច្រឡំតទៅទៀត”។
អតីតតារាចម្រៀងរបស់ផលិតកម្ម M រូបនេះបន្តថា រូបភាពស្និទ្ធស្នាលកន្លងមកដែលនាងបានផុសជាមួយ ថុល សុភិទិ នាពេលកន្លងទៅគ្រាន់តែជាការលេចសើចតែប៉ុណ្ណោះ គ្មានអ្វីលើសពីនេះទេ។ ក្នុងនោះនាងក៏បានសុំទោសចំពោះទស្សនិលជនប្រសិនបើការលេងសើចរបស់ខ្លួនអាចប៉ះពាល់អារម្មណ៍ធ្វើឱ្យបងប្អូនមួយចំនួនហាក់មិនសប្បាយចិត្ត។
ការលេចសើចដោយយកបេក្ខភាពកំពុងត្រៀមខ្លួនប្រកួតវគ្គផ្ដាច់ព្រ័ត្រ Cambodian Idol ខាងលើទំនងជា ពេជ្រ សូលីកា ចង់បំបាត់ភាពសៅហ្មងរបស់ខ្លួននាពេលកន្លងទៅ ចំពោះការចែកផ្លូវគ្នាដើរជាមួយស្វាមី ដែលធ្វើឱ្យនាងហាក់មិនទាន់ធ្វើចិត្តបាន១០០ភាគរយនៅឡើយមកទល់នឹងពេលនេះ។
សូមបញ្ជាក់ថាភាពសង្ស័យរបស់អ្នកគាំទ្រនាពេលថ្មីៗពីនាក់ទំនងស្នេហារវាងអ្នកទាំងពីរកើតឡើយ បន្ទាប់ពីអ្នកមេម៉ាយសាច់សខ្ចី ពេជ្រ សូលីកា បានបង្ហោះ Story នៅលើបណ្ដាញសង្គម បង្ហាញពីសកម្មភាពកំលោះសង្ហា ថុល សុភិទិ ឱនថើបស្មានាងយ៉ាងផ្អែមល្ហែមប្រៀបដូចគូស្នេហ៍ដ៏រ៉ូមែនទិកមួយគូ។
ទង្វើស្និទ្ធស្នាលគ្នាខ្លាំងរវាង សូលីកា និង ភិទិ ក៏បានធ្វើឱ្យអ្នកលេងបណ្ដាញសង្គមជាច្រើនចាប់អារម្មណ៍ ហើយនាំគ្នាសួរនាំចង់ដឹងពីទំនាក់ទំនងពិតប្រាកដរបស់ពួកគេ រហូតដល់ សូលីកា សម្រេចចិត្តលុបវីដេអូនោះចេញពី Story របស់នាង ដោយតារាស្រីរូបនេះអះអាងថា ព្រោះមានអ្នកឆាតសួរច្រើនខ្លាំងពេកនាងឆ្លើយតបមិនអស់។
ពិតណាស់ ថ្មីៗកន្លងទៅ មហាជនអ្នកប្រើប្រាស់បណ្ដាញសង្គម ជាពិសេសអ្នកគាំទ្រតារាចម្រៀងរាងតូចច្រឡឹង ពេជ្រ សូលីកា និង កំលោះសង្ហាដែលជាបេក្ខជនដ៏លេចធ្លោនៅក្នុងកម្មវិធីប្រឡងចម្រៀងលំដាប់ពិភពលោក Cambodian Idol រដូវកាលទី ៤ ថុល សុភិទិ បង្ហាញកាយវិការកាន់តែស្និទ្ធស្នាលនឹងគ្នាខ្លាំងឡើងពីមួយថ្ងៃទៅមួយថ្ងៃ៕