តារាសម្ដែងសិចស៊ីកញ្ញា អៀរ ម៉េចលិ កំពុងធ្វើឱ្យម្ចាស់ផលិតផលមួយចំនួនភ្ញាក់ផ្អើលជាខ្លាំង បន្ទាប់ពីក្នុងរយៈពេលខ្លីសោះតារារូបនេះបានដំឡើតម្លៃខ្លួនលើទីផ្សារថតផលិតកម្មនានាមួយគុណនឹងពីរ។
តាមប្រភពពីម្ចាស់ផលិតផលមួយសុំមិនបញ្ចេញឈ្មោះបាននិយាយថា ខ្លួនបានទាក់ទងតារារូបស្រស់ខាងលើដើម្បីថតផលិតផលថ្មីមួយ។ ក៏ប៉ុន្តែតារារូបនេះបានដាក់តម្លៃខ្លួនខ្ពស់កក់ពពួកដែលខុសគ្នាពីអ្វីខ្លួនធ្លាប់ទាក់ទងកាលពីពេលថ្មីៗ។
ប្រភពពីម្ចាស់ផលិតផលរូបនេះបានបញ្ជាក់ថា៖”សុំសរសើរដែរក្នុងរយៈពេលខ្លីសោះគាត់ដំឡើងតម្លៃខ្លួនខ្ពស់បែបនេះ។ រាល់ដងបងហៅថតត្រឹម១ពាន់ដុល្លារឬពីរពាន់ដុល្លារអីហើយ តែឥឡូវអត់ទេ គាត់ទារសុទ្ធតែ ៣ទៅ៥ពាន់ដុល្លារ”។
ប្រភពខាងលើបានបន្ថែមទៀតថា ទំនងជាប្រជាប្រិយភាព និងការអំណោយផលនៃសម្រស់ រួមទាំងដើមទ្រងស្រស់ស្អាតរបស់នាង ទើបបានជាតារារូបនេះហ៊ានដំឡើ់ងតម្លៃខ្លួនខ្ពស់បែបនេះ។ ក្នុងនាងហាក់មិនខ្វល់នោះទេ ប្រសិនបើផលិតផលណាហៅថតស្ប៉តបានក៏ទៅ មិនហៅក៏មិនខ្វល់។
ទាក់ទងការដំឡើងតម្លៃខ្លួនខ្ពស់បែបនេះ ស្រីស្អាត អៀ ម៉េងលិ មិនអាចសុំការស្រាយបំភ្លឺបានទេ ដោយទូរសព្ទរបស់នាងមិនអាចទាក់ទងបាន។ យ៉ាងណាកាលពីពេលថ្មីៗកន្លងទៅអតីតគូស្នេហ៍នាយ ចឺម ខាងលើ ធ្លាប់ទទួលស្គាល់ផងដែរថាតម្លៃខ្លួននាងបានឡើងខ្ពស់ជាងមុនមែន តែមិនឡើងខ្ពស់ហួសហេតុពេកដែរ នាងទារតម្លៃខ្លួនខ្ពស់ទៅតាមការងារប៉ុណ្ណោះ ។
ស្រីស្អាតរូបនេះ កាន់តែល្បីឈ្មោះបន្ទាប់ពីនាងប្រកាសបែកបាក់ស្នេហ៍ជាមួយគូស្នេហ៍កូនអ្នកមានទ្រព្យម្នាក់ បន្ទាប់ពីអស់ការអត់ធ្មត់ក្នុងការស្រឡាញ់គ្នាអស់ជាច្រើនឆ្នាំ ។ នាងហាក់គ្មានមិនសោកស្តាយនោះទេ ដែលសម្រេចចិត្តបោះបង់ស្នេហាលើកទី ២ របស់ខ្លួនចោល ដើម្បីស្វែងរកក្តីស្រមៃថ្មីរបស់ខ្លួននៅលើ វិថីសិល្បៈ។
អៀ ម៉េងលិ កំពុងរីករាយជាមួយភាពជោគជ័យរបស់ខ្លួន រហូតបំភ្លេចរឿងរ៉ាវខូចចិត្តបានយ៉ាងឆាប់រហ័ស ហើយនាងក៏ត្រៀមខ្លួនទទួលយកស្នេហាថ្មីក្នុងពេលឆាប់ៗខាងមុខផងដែរ ដូចដឹងស្រាប់ហើយថា អៀ ម៉េងលិ ជាតារាស្រីមួយរូបសប្បូរស្នេហ៍ មានអ្នកតាមស្រឡាញ់ច្រើន នាងថា បើមើលឃើញថាបុរសណាល្អត្រូវចិត្ត នាងនឹងបើកចិត្តទទួលស្នេហាថ្មីភ្លាម ៕
