រថយន្តធុនធំ ឡេីងផ្លូវភ្នំហាន់ជ័យ មិនរួចរ៉េចង្កូតថយវិញត្រូវម៉ូតូ និងបណ្តាលឲ្យក្មេងសិស្សសាលាម្នាក់ត្រូវកិនស្លាប់ភ្លាមៗនៅនឹងកន្លែង

កំពង់ចាម ៖ យោងតាមប្រភពពីកន្លែងហេតុការណ៍ បានឲ្យដឹងថា នៅម៉ោង៨ព្រឹក ថ្ងៃទី៣ ខែឧសភា ឆ្នាំ ២០២២ លាយលំនឹងមេឃរំលឹមស្រិចៗទៀត មានរថយន្តហីយ៉ាដាយមួយគ្រឿង ពាក់ស្លាកលេខ 3A-7146 ពណ៍ ស ដែលដឹកគ្រឿងបរិក្ខាសំណង់ បានបេីកបរពីទិសដៅទីរួមខេត្តកំពង់ចាម ឡេីងទៅតាមជេីងភ្នំហាន់ជ័យ ខណៈ ដល់ចំណុចហេតុ បានរ៉េចង្កូតមកវិញ បានបណ្តាលឲ្យថយក្រោយកិនម៉ូតូមួយគ្រឿង ម៉ាក់ហុងដា ២០២០ ពណ៍ ខ្មៅ បេីកបរដោយក្មេងសិស្សសាលា ចំនួនបី នាក់ ក្នុងនោះក្មេងសិស្សម្នាក់បានរថយន្តកិនស្លាប់ភ្លាមៗ នៅនឹងកន្លែង ហេតុការណ៍ នេះកេីតឡេីងនៅចំណុចមុខវិទ្យាល័យ ឈីន លាន (ហាន់ជ័យ) ភូមិហាន់ជ័យ ឃុំហាន់ជ័យ ស្រុកកំពង់សៀម ខេត្តកំពង់ចាម ។

បច្ចុប្បន្ន កងកម្លាំងសមត្ថកិច្ច កំពុងធ្វេីការឃាត់ ខ្លួនអ្នកបេីកបររថយន្ត និងកំពុងសម្របសម្រួលចរាចរណ៍តាមដងផ្លូវកុំឲ្យមានកក់ស្ទះ ជូនបងប្អូនប្រជាពលរដ្ឋធ្វេីដំណេីរតាមដងផ្លូវ៕