មានរឿងអ្វីទើបធ្វើឱ្យ មាស សុខសោភា ស្រក់គីឡូខ្លាំង និងភាពប្រែប្រួលផ្លូវចិត្តរហូតរត់រកព្រះធម៌និងកន្លែងស្ងប់ស្ងាត់ !

មួយរយៈពេលចុងក្រោយនេះតារាចម្រៀងល្បីឈ្មោះ មាស សុខសោភា បានបង្ហាញនូវអារម្មណ៍ប្លែកៗហាក់ដូចជាមានអ្នកមានវិប្បត្តិផ្លូវចិត្ត រហូតធ្វើឱ្យនាងស្រក់គីឡូប្លែក រត់រកព្រះធម៌ និងស្វែងរកកន្លែងស្ងប់ស្ងាត់ដើម្បីរំងាប់អារម្មណ៍ ។

ដោយសារតែឃើញតារាចម្រៀងរូបនេះ បង្ហាញនូវអារម្មណ៍ប្លែកៗនៅលើហ្វេសប៊ុករបស់ខ្លួន បានធ្វើឱ្យអ្នគាំទ្រជាច្រើនគិតថានាង ច្បាស់ជាមានបញ្ហាអ្វីជាមួយក្រុមគ្រួសារ រហូតធ្វើឱ្យប៉ះពាល់ផ្លូវចិត្តរបស់នាងហើយ បានជានាងចំណាយពេលវេលាច្រើនជាមួយនិងការអានសៀវភៅអប់រំផ្លូវចិត្ត និងរកតែកន្លែងស្ងប់ស្ងាត់ ដើម្បីនៅម្នាក់ឯង ។
ស្របពេលដែលមានអារម្មណ៍ប្លែកៗបែបនេះ មាស សុខសោភា ក៏ស្រកគីឡូខ្លាំងផងដែរ ហើយកាន់តែធ្វើឱ្យទស្សនិកជនជាច្រើ់នគិតថានាងប្រហែលមានបញ្ហាផ្លូវចិត្តធ្ងន់ធ្ងរហើយមើលទៅ បានឈានដល់ដំណាក់កាលបែបនេះ ?

ចំពោះរឿងនេះផងដែរ ក្បោះក្បាយ បានជួប មាស សុខសោភា ក្នុងកម្មវិធីថ្មីមួយរបស់ PNN កាលពីពេលថ្មីនាងបានទទួលស្គាល់ថា មួយរយៈពេលនេះនាងពិតជាមានអារម្មណ៍ប្លែកៗមែន ដោយនាងចូលចិត្តនៅកន្លែងស្ងាត់ៗ ហើយអានសៀវភៅធម៌ដើម្បីរំងាប់អារម្មណ៍ ការដែលធ្វើខ្លួនបែបនោះនាងពិតជាមានអារម្មណ៍ល្អខ្លាំងណាស់ ។ តែអ្វីដែលនាងនិយាយនេះមិនមែនបានន័យថា នាងមានបញ្ហាឬវិប្បត្តិផ្លូវចិត្តណាមួយទេ ។
មាស សុខសោភា បានបញ្ជាក់ដូច្នេះថា « ខ្ញុំមិនយល់ខ្លួនឯងដែរ ហេតុអ្វីមានអារម្មណ៍បែបនេះ ស្វាមីក៏ល្អ នៅក្បែរគ្រប់ពេល ប្រហែលដោយសារសម្ពាធការងារ ក៏ដូចជាខ្លួនកាន់តែមានវ័យច្រើនហើយទើបមានអារម្មណ៍បែបនេះ” ។

តារាចម្រៀងល្បីឈ្មោះប្រចាំផលិតកម្ម រាមខាងលើបញ្ជាក់បន្ថែមទៀតថា” ចំពោះរឿងគីឡូវិញ គឺខ្ញុំបានប្រឹងប្រែងសម្រកគីឡូឱ្យបានរាងស្លីមស្អាតតាមតម្រូវការ ដោយខ្ញុំបានប្រឹងប្រែងហាត់ប្រាណក៏ដូចជាជ្រើសរើសអាហារណាដែលមានប្រយោជន៍សម្រាប់សុខភាព ដូចជាបន្លែ និងផ្លែឈើជាដើម….។ ពេលនេះខ្ញុំទទួលបានរាង ដែលស្រស់ស្អាតដូចអ្វីដែលខ្លួនចង់បានហើយ ។
ទោះបីជាមានអារម្មណ៍បែបនេះក្តី តារាចម្រៀង មាស សុខសោភា នៅតែមានភាពផ្អែមល្ហែមជាមួយស្វាមីរបស់ខ្លួនជានិច្ច ជាក់ស្តែងពេលទៅចូលរួមកម្មវិធីជប់លៀង ឬខនសឺតតាមបណ្តាខេត្តនានា តែងតែមានវត្តមានស្វាមីនាងនៅក្បែរខ្លួនជានិច្ច នាងកាន់តែកក់ក្តៅចិត្តនៅពេលដែលស្វាមីបានចំណាយពេលវេលានៅក្បែរខ្លួន ៕