តារាសម្ដែងវ័យក្មេងកំពុងមានទីផ្សារកញ្ញា ឈិន មុន្នីនាថ កំពុងធ្វើឱ្យមហាជន និងហ្វេនៗរបស់នាងចាប់អារម្មណ៍ជាខ្លាំងបន្ទាប់ពីឃើញនាងបង្ហោះសារប្លែកៗ ដែលធ្វើឱ្យគេសង្ស័យថានាង និងគូស្នេហ៍ពិធីករល្បីឈ្មោះនាយ នាយ ព្រែក អាចមានការរកាំរកូសជាមួយគ្នា។
នៅលើបណ្ដាញសង្គម Facebook របស់ខ្លួនតារារូបនេះបញ្ជាក់ថា ៖ «ស្មោះជាមួយមនុស្សល្អ អ្នកនឹងមានតម្លៃ ស្មោះជាមួយមនុស្សអាក្រក់ គេនឹងដៀលថាយើងល្ងង់ តែខ្ញុំនៅតែស្មោះ»។
ការលើកឡើងរបស់ តួឯកស្រីរូបនេះបានធ្វើឱ្យអ្នកគាំទ្រជាច្រើនងឿងឆ្ងល់ និង បញ្ចេញមតិសួរនាំជាច្រើន ព្រោះកន្លងមកនាងកម្របង្ហោះសារបង្គាប់អត្ថន័យប្លែកបែបនេះណាស់។
តារាសម្ដែងស្រីវ័យក្មេង ឈិន មុន្នីនាថ បច្ចុប្បន្នបានក្លាយជាតួឯកស្រីដ៏ពេញនិយមមួយរូបដែលទទួលបានការគាំទ្រយ៉ាងច្រើនពីសំណាក់ទស្សនិកជន ដោយនាងមិនត្រឹមតែមានទេពកោលស្យផ្នែកសិល្បៈទាំងច្រៀង និង សម្ដែងទេ ប៉ុន្ដែតារាស្រីរូបនេះក៏មានរូបសម្រស់ស្រស់ស្អាតទាក់ទាញផងដែរ។
និយាយដល់ជីវិតឯកជន ឈិន មុន្នីនាថ ត្រូវបានគេដឹងថាកំពុងមានទំនាក់ទំនងស្នេហាជាមួយ នាយព្រែក ដោយជារឿយៗ គូស្នេហ៍មួយគូនេះតែងបង្ហោះរូបថតផ្អែមល្ហែម និង កាយវិការល្អូកល្អិន បណ្ដើរគ្នាទៅណាមកណាយ៉ាងរ៉ូមែនទិកខ្លាំងបំផុត។
សូមបញ្ជាក់ថាទាំង ឈិន មុន្នីនាថ និងនាយ ព្រែក កំពុងមានទីផ្សារដូចគ្នាលើវិថីសិល្បៈ ជារឿងៗគេតែងឃើញតារាទាំងពីរដួងដែលជាគូស្នេហ៍តែងតែបង្ហាញស្នាដៃរួមគ្នាជាញឹកញាប់សម្រាប់ការប្រមូតផលិតផលនានា ជាមួយការបង្ហាញភាពផ្អែមល្ហែមក្នុងនាមជាគូស្នេហ៍វ័យក្មេងកំពុងធ្វើឱ្យមហាជនចាប់អារម្មណ៍ និងច្រណែន៕