តារាសម្ដែង និងជាតារាចម្រៀងកញ្ញា អាជី បានទុករយៈពេល ៤៨ម៉ោងឱ្យបុរសពូកែទើសលោក ម៉ៃ សុគន្ធ ចេញមុខសុំទោសជាសាធារណៈចំពោះការប្រមាថមកលើអាយុជីវិតរបស់ខ្លួន រួមនឹងការប៉ះពាក់ដល់មុខជំនួញរបស់ខ្លួន។
ប្រសិនបើរយៈពេល ៤៨ម៉ោង តារាចម្រៀងពូកែទើសខាងលើមិនចេញមុខសុំទោសទេនោះនាងនឹងមានវិធានការផ្លូវច្បាប់ ព្រោះតែនាងអះអាងថាលិខិតពីមេធាវីបានចេញមករួចរាល់អស់ហើយ។
កញ្ញា បានបញ្ជាក់ថា៖”រយៈពេល48ម៉ោងផ្ញើទៅបុគ្គលឈ្មោះ May Sokun ម៉ៃ សុគន្ធ ។ លុបខមិននិងលុបស៊ែរ ហើយចេញវីដេអូ ហើយត្រូវសុំទោសខ្ញុំជាសាធារណៈមុនពេលដែលខ្ញុំដាក់ពាក្យប..ណ្ដឹ…ងទៅតុលាការ” ។
ប្រការធ្វើឱ្យតារាសម្ដែងដែលទស្សនិកជនចាត់ទុកថាជាអ្នកពូកែអួតអាងខាងសម្ភារៈនិយមយ ប្រតិកម្មខ្លាំងៗបែបនេះក៏ព្រោះតែកាលពីពេលថ្មីៗកញ្ញាបានផុសរូបភាពមួយសន្លឺកដែលនាងផុសជាមួយការប្រមូតផលិតផលថែរក្សស្បែករបស់ខ្លួនដោយបាននិយាយថា”តិចច្រឡំស្បែកតារាកូរ៉េអីទៅ ខ្មែរសុទ្ធ” ហើយពេលនោះស្រាប់តែ ម៉ៃ សុគន្ធបានចូលខំមិន ដោយបាននិយាយថា “ទើបតែស្រង់ចេញពីទឹកអីចឹង មិនទាន់ហើមទេ កុំតម្កល់យូរពេក ឆាប់អុចភ្លើងទៅទាន់ស្ងប់ចិត្ត”។
ពាក្យពេចន៍ទាំងនេះត្រូវកញ្ញា អាជី បានចាត់ទុកថាជាការប្រមាថអាយុជីវិតរបស់នាងយ៉ាងធ្ងន់ធ្ងរ ហើយមិនតែប៉ុណ្ណោះនាងថែមបញ្ជាក់ថាការនិយាយ និងស៊ែរដោយដាក់ Caption ដូចគ្នានេះគឺបានប៉ះពាល់ដល់អាជីវកម្មរបស់ខ្លួនជាខ្លាំង។ ប្រសិនបើនៅតែគ្មានដំណឹងនៃការសុំទោសជាសាធារណៈទេកញ្ញា នឹងផ្ដើមវិធានការផ្លូវច្បាប់ភ្លាម
សូមបញ្ជាក់ថាកញ្ញា អាជី ទើបតែស្ងប់ស្ងាត់មួយរយៈប៉ុណ្ណោះរឿងទស្សនិកជនរិះគន់ខ្លាំងរហូតចង់សម្លាប់ខ្លួន ព្រោះតែរឿងអួតអាង ការផលិត MV ចំណាងលុយជិតកន្លះលានដុល្លារ ដោយក្នុងនោះនាងបានបញ្ជាក់ថាហ៊ានជួល គ្រូ តឿរហូត ១០ម៉ឺនដុល្លារ។ ដោយសារតែកត្តានេះធ្វើឱ្យមហាជនរិះគន់នាងជាខ្លាំងរហូតធ្វើឱ្យនាងតូចចិត្តចង់សម្រាប់ខ្លួនទៀតផង៕