តារាចម្រៀងល្បីឈ្មោះលោក អេឡិច ច័ន្ទត្រា បានចូលរួមផ្ដល់ស្នាមញញឹម ភាពសប្បាយរីករាយ និងលើកទឹកចិត្តដល់កុមារកំព្រានៅថ្ងៃបុណ្យ Christmas ជាមួយក្រុមការងារ និងមិត្តក្នុងសិល្បៈ។
ជាមួយនឹងស្នាមញញឹម ដែលចេញមកពីក្រអៅ បេះដូង តារាចម្រៀង ដែលគេស្គាល់ថា ជាប្រធានក្រុមតារាចម្រៀង Alex Entertaiment តែងតែចែករំលែក្តីស្រលាញ់ ដល់មនុស្សជុំវិញខ្លួន ដោយមិនប្រកាន់ឋានៈពណ៌សប្បុរ ឡើយ។ ជាពិសេសគឺក្តីអាណិតអាសូ ដល់កុមារងាយរងគ្រោះដោយអំពើរហិង្សា និងការរំលោភបំពាន លើរាងកាយ។
ជាក់ស្តែងកាលពីថ្ងៃ ២៥ ធ្នូ ដែលចំថ្ងៃនៃពិធីបុណ្យ គ្រឹះស្មាស់ ដែលជាប្រពៃណីរបស់លោកខាងលិច ប៉ុន្តែសម្រាប់ប្រទេសកម្ពុជា ទោះជាបុណ្យនោះ មិនមែនជាបុណ្យប្រពៃណីជាតិក៏ដោយ តែការរៀបចំជប់លៀង តាមក្រុមហ៊ុននានា នៅតែត្រូវបានអនុវត្ត។
ងាកមកតារាចម្រៀង កាត់ចិន អេឡិច ចាន់ត្រា វិញ សម្រាប់ថ្ងៃសម្រាកពីកិច្ចការផ្ទាល់ខ្លួន អេឡិច តែងតែចំណាយពេលខ្លះផ្តល់ក្តីស្រលាញ់ ដល់កុមារ នៅមណ្ឌល Afesip Cambodia ដែលគេដឹងថា ជាមណ្ឌលកុមារ រងគ្រោះដោយអំពើហិង្សារ និងការបៀតបៀន របស់ លោកស្រី ម៉ម សុម៉ាលី ដែលជាវីរនារី ក្នុងការមើលថែ និងផ្តល់ភាពកក់ក្តៅ ដល់កុមារទាំងនោះ។
ជាមួយនឹងទឹកមុខញញឹម អេឡិច និយាយថា ការអោយក្តីស្រលាញ់ទៅមនុស្ស ជុំវិញខ្លួនគឺជាការចាំបាច់បំផុត ជាពិសេសនោះគឺអ្នកខ្វះខាត ដែលគាត់កំពុងត្រូវការ ការផ្តល់អោយដោយមិនទន្ទឹងការតបស្នងគឺជាការផ្តល់អោយដោយមានក្តីសុខបំផុត។ លោកថា ក្នុងមួយឆ្នាំ មិនតិចជាងពីរឬបីដង ទេ ដែលលោកនិងមិត្តសិល្បៈផ្សេងទៀត រួមគ្នា ធ្វើកម្មវិធីសប្បុរសផ្សេងៗ មិនថានៅតាមទីក្រុងឬទីជនបទនោះទេ មិនថាតិចឬច្រើន នោះគឺជាសេចក្តីសុខផ្លូវចិត្តមួយដែលលោកតែងតែធ្វើកន្លងមក។
សូមរំលឹកថា តារាចម្រៀង ដែលជាអតីតស្ថិតក្នុងក្រុមតោមាស រ៉ៃមាស អេឡិច ចាន់ត្រា ជារឿយៗតែងតែចែកអំណោយជូនដល់ចាស់ជរាគ្មានទីពឹង កុមារកំព្រា បន្ថែមទៀតនោះ គឺលោកបានយកអង្គរជាច្រើនបាវ ជូនដល់វិហារចិន នៅលម្តុំទឹកថ្លាផងដែរ៕