ខ្សែភាពយន្តភាគដ៏សម្រិតសម្រាំងមួយទៀតដែលចូលមកកឱដរអារម្មណ៍ទស្សនិកជនលើកញ្ច់ទូរទស្សន៍ PNN នាដើមសប្ដាហ៍ក្រោយគឺរឿង”ស្នេហ៍ក្រោមដំណក់ទឹកភ្លៀង”។
សាច់រឿងមួយនេះនិយាយពីការជួយសង្គ្រោះជីវិតមនុស្ស និងទទួលពាក្យសន្យាពីមិត្តភក្តិដែលជាមនុស្សតែម្នាក់គត់ បុត្រាទី ២ នៃស្តេចនាគបានទទួលភារកិច្ចបញ្ចប់គ្រោះរាំងស្ងួតដោយបង្អោរភ្លៀងជាច្រើនរហូតដល់បាត់បង់វត្ថុទិព្វសំខាន់មិនអាចចុះទៅឋានរបស់ខ្លួនបាន សុខចិត្តរស់នៅឋានមនុស្សអស់រយៈពេល ៥០០ ឆ្នាំ ក្នុងការស្វែងរកវត្ថុទិព្វ និងរង់ចាំមនុស្សស្រីជាទីស្រលាញ់ត្រឡប់មកវិញ។
ភាពយន្តភាគដ៏ល្អឯក និងល្បីល្បាញមួយនេះ សាច់រឿងបានបង្ហាញអំពីស្នេហារវាងមនុស្សលោក និងបុត្រានាគ មនោសញ្ចេតនា ភាពអាថ៌កំបាំង ភាពច្រណែនឈ្នានីស ការលោភលន់ដណ្តើមអំណាចទាំងឋានមនុស្ស និងឋាននាគ ធ្វើអោយសាច់រឿងកាន់តែជក់ចិត្ត ធានាថាអ្នកគាំទ្រពិតជាមិនខកបំណងឡើយ។
និន ស៊ីវយួយ ជាបុត្រាទី ២ នៃស្តេចនាគ ដែលត្រូវរស់នៅឋានមនុស្សអស់រយៈពេល ៥០០ ឆ្នាំ មានភាពស្ងៀមស្ងាត់មិនចូលចិត្តនិយាយស្តីច្រើន ស្មោះត្រង់នឹងស្នេហា ប៉ុន្តែក៏មានសត្រូវទាំងនៅឋានមនុស្ស និងឋាននាគ។
ស៊ូ អ៊ីងអ៊ីង ជាមនុស្សស្រីដែលនិយាយច្រើន រួសរាយ ពូកែដេរប៉ាក់ ថែមទាំងមាននិស្ស័យចូលចិត្តស្តេចនាគជាខ្លាំង ដោយសារនាងផ្ទាល់ធ្លាប់បានជួបនាគតាំងពីអាយុ ៥ ឆ្នាំ ហើយឪពុករបស់នាងក៏ធ្លាប់បានប្រាប់ថា នាងត្រូវបាននាគជួយជីវិតពេលនាងទើបតែបើកភ្នែកមើលពិភពលោកលើកដំបូង នៅលើផ្ទៃសមុទ្រ។
ទោះជាយ៉ាងណាក៏ដោយ នេះគ្រាន់តែការរៀបរាប់ពីសាច់រឿងខ្លះៗប៉ុណ្ណោះ ចង់ដឹងថាភាពយន្តថ្មីនេះ ល្អមើលយ៉ាងណានោះ សូមកុំភ្លេចរង់ចាំទស្សនាការផ្សាយជូនទស្សនាជាផ្លូវការនៅលើកញ្ចក់ទូរទស្សន៍ ភីអិនអិន ក្នុងរឿង «ស្នេហ៍ក្រោមតំណក់ទឹកភ្លៀង» ចាប់ពីថ្ងៃ ចន្ទ ទី ២៣ ខែ មករា ឆ្នាំ ២០២៣ វេលាម៉ោង ១២ ថ្ងៃត្រង់តទៅ៕