មិនចោលចរិតមែន ប៊ុត សីហា ត្រូវសមត្ថកិច្ចឃាត់ខ្លួនជាថ្មីពាក់ព័ន្ធជួញដូរគ្រឿងញៀន!

អតីតម្ចាស់ពាន The voice cambodia រដូវកាលទី១ លោក ប៊ុត សីហា រួមជាមួយបក្ខពួកម្នាក់ទៀតត្រូវបានកម្លាំងនគរបាលស្រុក គងពិសី ឃាត់ខ្លួនជាមួយនិងគ្រឿងញៀនមួយចំនួន។

ការឃាត់ខ្លួនជាថ្មីនេះបន្ទាប់ពីតារាចម្រៀងល្បីឈ្មេាះរូបធ្លាប់នគរបាលឃាត់ខ្លួនម្ដងមកហើយ កាលពីប៉ុន្មានឆ្នាំមុនពាក់ព័ន្ធការជួញដូរគ្រឿងញៀននេះដូរគ្នា ហើយតារាចម្រៀងរូបនេះនៅតែមិនចោលចរិត បើទេាះបីជាមានអ្នកជួយជ្រោមជ្រែងដើម្បីកសាងកេរ្តិ៍ក្នុងវិស័យសិល្បៈវិញក៏ដោយ។ ក៏ប៉ុន្តែបានតែមួយរយៈលោកក៏ត្រឡប់មកអាជីពចាស់ដដែល។

ការឃាត់ខ្លួន ប៊ុត សីហា និងបក្ខពួកធ្វើឡើងកាលពីរសៀលថ្ងៃទី១២ ខែ កញ្ញា ឆ្នាំ២០២៣ នេះនៅចំណុចភូមិត្រាំខ្នា ឃុំស្នំក្រពើ ស្រុកគងពិសី ខេត្តកំពង់ស្ពឺ។

នគរបាលស្រុកគងពិសីបានឱ្យដឹងថា កម្លាំងនគរបាលស្រុក គងពិសី បានបង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀន បាន២នាក់ ៖

ទី០១-ឈ្មោះ ឆន វល្លិន ភេទ ប្រុស អាយុ៣៨ឆ្នាំមុខរបរមិនពិតប្រាកដ រស់នៅភូមិត្រាំខ្នា ឃុំស្នំក្រពើ ស្រុកគងពិសីនិងទី០២-ឈ្មោះ ប៊ុត សីហា អតីតម្ចាស់ពាន the Voice Cambodia រដូវកាលទី១ ភេទ ប្រុស អាយុ ២៩ឆ្នាំ រស់នៅភូមិព្រះម្លប់ ឃុំភារីមានជ័យ ស្រុកបសេដ្ឋ ខេត្តកំពង់ស្ពឺ។

នគរបាលស្រុកបាននិយាយបន្តទៀតថា នៅមុនពេលឃាត់ខ្លួនក្រុមជនសង្ស័យបានគឺកម្លាំងនគរបាលស្រុកល្បាតតាមមូលដ្ឋាន ក៏ប្រទះឃើញជនសង្ស័យទាំងពីរនាក់មានការសង្ស័យសួរនាំឆែកឆេរ ដកហូតបានម្សៅក្រាមពណ៌សថ្លាសង្ស័យជាគ្រឿងញៀនចំនួន ៥កញ្ចប់ ក្នុងនោះ(៣តូច និង២មធ្យម), ទូរស័ព្ទ៣ គ្រឿង រួមនឹងឧបករណ៍ប្រើប្រាស់ គ្រឿងញៀនមួយចំនួនទៀត។

បច្ចុប្បន្ននេះក្រុមជនសង្ស័យរួមជាមួយវត្ថុតាងការិយាល័យជំនាញ កំពុងកសាង សំណុំរឿងចាត់ការបន្តតាមផ្លូវច្បាប់។

សូមបញ្ជាក់តារាចម្រៀងល្បីឈ្មេាះលោក ប៊ុត សីហា ធ្លាប់ពាក់ព័ន្ធនឹងការជួញដូរគ្រឿងញៀននេះម្ដងរួចមកហើយកាលពីប៉ុន្មាន ឆ្នាំមុន មុនពេលដេាះលេងមកវិញ។

ក្រោយពីដេាះលេងមកប្រជាប្រិយភាពរបស់លោកបានធ្លាក់ចុះជាខ្លាំង ក៏ប៉ុន្តែនាពេកន្លងទៅអ្នកជំនួញអនឡាញល្បីឈ្មេាះលោកស្រី ទ្រី ដាណា បានជួយជ្រោមជ្រែងដើម្បីជួុយលើកប្រជាប្រិយភាពមកវិញតាមរយៈការទិញឡានអោយ សម្ភារ លុយកាក និងបទចម្រៀងជាដើម។ តែយ៉ាងណាតារារូបនេះនៅតែមិនចោលចរិតដដែល ដោយមិនគោរពអោយតម្លៃការងារ រហូតមកទល់នឹងសមត្ថកិច្ចឃាត់ខ្លួនជាថ្មីពាក់ព័ន្ធគ្រឿងញឿននេះ៕