ប្រធានសមាគមសិល្បករខ្មែរអ្នកនាង ចន ច័ន្ទលក្ខិណា បានបង្ហាញខឹងសម្បារ និងហួសចិត្តជាខ្លាំងក្រោយពីនារីម្នាក់តាំងខ្លួនថាបារមី ព្រះនាងឥន្ទ្រទេវី ចូលសណ្ឋិត បានមកណែនាំនាងថាត្រឹមសម្បត្តិប្រធានសមាគមសិល្បៈម្នាក់ គ្មានសិទ្ធិអ្វីមកនិយាយប្រដៅទេ ទុកឱ្យអ្នកជំនាញ ឬខាងក្រសួងវប្បធម៌ ឬក្រសយងធម្មការ និងសាសនា ជាដើមមកនិយាយត្រឹមត្រូវជាង។
ប្រធានសមាគមសិល្បករខ្មែររូបបន្តថា កន្លងទៅទោះចង់បារមីចូលបែបណាក៏នាងមិនដែលប្រតិកម្ម ឬរិះគន់អ្វីនោះទេ តែសម្រាប់នារីម្នាក់តាំងខ្លួនជាព្រះនាង ឥន្ទ្រទេវី ចូលសណ្ឋិត បានធ្វើហួសហេតុពេក។ ជាពិសេសប៉ះពាល់ដល់តម្លៃសិល្បៈវប្បធម៌ខ្មែរ ជាខ្លាំង ដែលធ្វើឱ្យអ្នកនាងក្នុងមានជាប្រធានសមាគមម្នាក់មិនអាចអោបដៃនៅស្ងៀមបាននោះទេ។
ទោះជាកាលៈទេសៈបែបណា ឬក៏នារីនោះអាងខ្នងណានៅពីក្រោយក៏ដោយអ្នកនាងត្រូវតែធ្វើរឿងនេះឱ្យបាន ដើម្បីការពារតម្លៃសិល្បៈវប្បធម៌ខ្មែរ ដោយមិនឱ្យក្រុមឆ្លៀតឱកាសមួយចំនួនយកធ្វើជាប្រយោជន៍ផ្ទាល់ខ្លួន និងធ្វើឱ្យតម្លៃសិល្បៈវប្្បធម៌របស់ដូនតាកាន់តែធ្លាក់ចុះឡើយ។
យ៉ាងណាក៏ដោយនារីអ្នកអនឡាញតាំងខ្លួនថាបារមីព្រះនាង ឥន្ទ្រទេវី ចូលសណ្ឋិត កំពុងរងការរិះគន់ខ្លាំងៗលើបណ្ដាញសង្គម បានចេញមុខបកស្រាយ ថាខ្លួនធ្វើនេះមិនបានបំពានបងប្អូនមហាជនណានោះទេ គឺធ្វើអ្វីតាមខ្លួនបានដឹងប៉ុណ្ណោះ។
ក្នុងនោះនារីខាងលើក៏បានផ្ដាំទៅតារាសម្ដែង និងជាប្រធានសមាគមសិល្បករខ្មែរ អ្នកនាង ចន ច័ន្ទលក្ខិណា ថារឿងរបស់នាង មិនពាក់ព័ន្ធជាមួយប្រធានសមាគមនេះឡើង ទុកឱ្យខាងក្រសួងពាក់ព័ន្ធមួយនិយាយជាមួយនាងវិញទើបត្រូវជាង។
សូមបញ្ជាក់ថា បើទោះជាមានការរិះគន់ខ្លាំងៗពីមហាជន មកទល់នឹងពេលនេះនារីម្នាក់តាំងខ្លួនជាព្រះនាង ឥន្ទ្រទេវី ត្រូវបារមីចូលសណ្ឋិត មិនទាន់ឃើញក្រសួងពាក់ព័ន្ធណា កោះហៅទៅអប់រំណែនាំនៅឡើយទេ។ ប្រធាន សមាគមសិល្បករខ្មែរ អ្នកនាង ច័ន្ទលក្ខិណា បានទទូចស្នើសុំឱ្យក្រសួងមានវិធានការលើរឿងនេះ ក៏ប៉ុន្តែត្រូវនារីរូបនេះវាយបកមកវិញធ្វើឱ្យមហាជនហួសចិត្តជាខ្លាំង៕
