អ្នកឧកញ៉ា បណ្ឌិត លី សាម៉េត ហៅក្រូមា ត្រូវសមត្ថកិច្ចនាំខ្លួនពីខេត្ត ព្រះសីហនុ មកសួរនាំនៅស្នងការនគរបាលរាជធានីភ្នំពេញហើយ ក្រោយសំងំលាក់ខ្លួនមួួរយៈ ហើយបានចេញមុខសុំទោសសម្ដេចតេជោជាសាធារណៈ ពីការយកឈ្នោះសម្ដេចទៅដើរបោកលុយគេរាប់លានដុល្លារ។
ការនាំខ្លួនអ្នកឧកញ៉ាបណ្ឌិតរូបនេះ ក្រោយពីលោកបានឡាយចេញមុខសុំទោសជាសាធារណៈហើយភ្លាមៗសម្ដេចតេជោ ហ៊ុន សែន បានសរសេរលើបណ្ដាញសង្គមភ្លែតផងដែរ ដោយស្នើឱ្យសមត្ថកិច្ចត្រូវតែនាំខ្លួន គ្រូមា មកកាត់ទោសមិនអាចឱ្យនៅក្រៅសំណាញ់ច្បាប់តទៅទៀតបានទេ។
សម្ដេចតេជោ ហ៊ុន សែន មានប្រសាសន៍បែបនេះថា៖”
ខ្ញុំសូមបញ្ជាក់ជូនថា មិនមែនដោយសារតែវីដេអូសារភាពកំហុស និង
សូមទោសមួយនេះ លី សាម៉េត ត្រូវបានរួចខ្លួននោះឡើយ។
ជំនួយការខ្ញុំម្នាក់ឈ្មោះ ដួង តារា ត្រូវបានឃាត់ខ្លួនរង់ចាំការកាត់ទោស
ដោយសារជាប់ពាក់ពន្ធ័ឆបោកជាមួយ លី សាម៉េត នេះ។
ពេលនេះ លី សាម៉េត ក្រោយពីរត់គេចខ្លួនបានបង្ហាញខ្លួន
ហើយសូមសមត្ថកិច្ចដែលជានគរបាល ឬកងរាជអាវុធហត្ថ
ទៅនាំខ្លួន លី សាម៉េត បញ្ជូនទៅតុលាការដើម្បីកាត់ទោសតាមច្បាប់។
លី សាម៉េត បានសុំពេលព្យាបាលខ្លួននៅផ្ទះមុនពេលចូលខ្លួនឱ្យតុលាការកាត់ទោស។ មិនអាចធ្វើបែបនេះបានឡើយនគរបាលយុត្តិធម៌ត្រូវតែនាំខ្លួន លី សាម៉េត បញ្ជូនទៅតុលាការតាមនីតិវិធី។ខ្ញុំសង្ឃឹមថា សមត្ថកិច្ចមិនបន្តឱ្យ លី សាម៉េត បានស្ថិតនៅក្រៅសំណាញ់ច្បាប់ទៀតទេ”៕