មួយរយៈពេលចុងក្រោយនេះតារាកំប្លែងពូកែវោហាស័ព្ទ ម៉ា ដូណា វិលមុខជាខ្លាំងព្រោះតែបញ្ហាលុយកាក់ទាក់ទងការលែងតុងទីន។ ជាក់ស្តែងម្សិលមិញលោកបានដួលចូលពេទ្យជាថ្មីម្តងទៀត ធ្វើឱ្យគូស្នេហ៍លោកមានការព្រួយបារម្ភជាខ្លាំង ។
តាមរយៈសារលោក ហេង ដែលជាគូស្នេហ៍របស់លោក ម៉ា ដូណា ដែលបានបង្ហោះកាលពីម្សិលមិញ លោកបានរៀបរាប់ថា « អាណិតប្រពន្ធខ្លាំងណាស់ ប្រឹងថតមួយថ្ងៃ 2 – 3 កន្លែង បានលុយមកចេញសងតុងទីនពួកដែលបោកប្រាស់ ពួកអ្នកជំពាក់លុយឃើញពួកខ្ញុំពេលនេះទេ វាលំបាកខ្លាំងណាស់ សុខភាពពេលនេះមិនសូវជាល្អទេ ឈឺល្មមៗមិនចំណាយលុយមកពេទ្យទេ ទាល់តែខ្លាំងបានមក ដោយសារតែខ្លាចអស់លុយ សងកូនល្អៗ ដែលលេងជាមួយ ផ្ទះ ដី វីឡា ខុនដូរ ឡាន បីគ្រឿង ចិញ្ចៀន ខ្សែរកពេជ្យ លក់ខ្ទេច ក៏ទប់បំណុល ជិត 60មឺនដុល្លា មិនទាន់គ្រប់ដែរ អាណិតពួកខ្ញុំទេ យកលុយពួកខ្ញុំទៅហើយគេងលក់ស្រួលទេ ប្រហែលជាអត់លំបាកដូចពួកខ្ញុំទេមើលទៅ » ។
សារនេះកាន់តែធ្វើឱ្យមហាជនមានការអាណិតអាសូរ ម៉ា ដូណា ខ្លាំងឡើងៗ
ទោះបីជាខ្លួនលំបាក នៅតែខំប្រឹងដើម្បីសងលុយគេ ។
នេះមិនមែនជាលើកទីមួយទេដែលតារាកំប្លែងលោក ម៉ា ដូណា ធ្វើការរហូតដល់ដួលចូលពេទ្យ ។ លោក ម៉ា ដូណាបានប្រាប់ថា បើឈឺល្មមៗលោកមិនងាយចូលពេទ្យទេ ដោយសារខ្លាចអស់លុយ តែពេលនេះពិតជាខ្លាំង និងទ្រាំលែងបានហើយ ទើបបានចូលពេទ្យបែបនេះ ។ ជាក់ស្តែងតាមរយៈរូបភាពមួយសន្លឹកដែលទស្សនិកជនបានឃើញនេះស្រាប់ គឺលោកកំពុងសម្រាកព្យាបាលជំងឺនៅក្នុងមន្ទីរពេទ្យមួយ ។
ច្រើនឆ្នាំមកហើយដែលតារាកំប្លែង ម៉ា ដូណា ជួបនូវបញ្ហាបំណុលតុងទីន មកទល់ពេលនេះលោកនៅពុំទាន់ដោះស្រាយចប់សព្វគ្រប់ទៀត ទោះបីជាជីវិតជួបនូវការលំបាកលោកបានតស៊ូធ្វើការរកលុយ ដើម្បីសងបំណុលគេទាំងយប់ទាំងថ្ងៃ ហើយលោកសុំឱ្យកូនបំណុលទាំងឡាយមេត្តាអាណិត និងសង លុយលោកផង ៕
