ព្រឹត្តិការណ៍បង្ហាញម៉ូដដ៏ល្បីនៅ កម្ពុជា Phnom Penh Designers Week នៅក្នុងរដូវកាលថ្មីក្រោមប្រធានបទ « Fashion In A Changing World » នឹងត្រឡប់មកជួបទស្សនិកជនជាថ្មីម្តងទៀតនៅថ្ងៃទី ០៧ ខែ ធ្នូ ឆ្នាំ ២០២៤ ខាងមុខនេះហើយ ដោយមានអ្នករចនាម៉ូដល្បីៗជាច្រើនបានត្រៀមនឹងបញ្ចេញស្នាដៃនៅក្នុងរដូវកាលថ្មីនេះ ។
នៅក្នុងសន្នីសីទសារព័ត៌មានកាលពីល្ងាចថ្ងៃទី ០៥ ខែ វិច្ឆិកា ឆ្នាំ២០២៤ ម្សិលមិញនេះមានតារាបង្ហាញម៉ូដ និងអ្នករចនាម៉ូដល្បីៗជាច្រើនចូលរួមអបអរសាទរ សម្រាប់រដូវកាលថ្មីនេះគឺប្រមូលម្តុំដោយសម្លៀកបំពាក់ម៉ូដថ្មីៗ ពីស្នាដៃអ្នករចនាម៉ូដចំនួន ៦ នាក់ល្បីឈ្មោះក្នុងប្រទេស កម្ពុជា ។ ព្រឹត្តិការណ៍នេះផងដែរនឹងរៀបចំឡើងជាផ្លូវការនៅថ្ងៃទី ០៧ ខែ ធ្នូ ឆ្នាំ ២០២៤ ខាងមុខនៅមជ្ឍមណ្ឌល Connexion កោះពេជ្រ ។
ព្រឹត្តិការណ៍ Phnom Penh Designers Week សម្រាប់រដូវកាលថ្មីនេះនឹងធ្វើឡើងក្រោមប្រធានបទ ដែលមានចំណងជើងថា « Fashion In A Changing World » ឥទ្ធិពលលើវប្បធម៌ និង សោភ័ណភាព នេះជាលើកទី២ហើយសម្រាប់ព្រឹត្តិការណ៍ឆ្នាំនេះ ដែលបានធ្វើឡើងក្នុងគោលបំណងផ្តល់វេទិកាសម្រាប់អ្នករចនាម៉ូដបង្កើតអាជីវកម្មវផ្ទាល់ខ្លួន និង អភិវឌ្ឍន៍ទីផ្សារឱ្យរីកចម្រើនដែលមានស្រាប់របស់ពួកគាត់ ។
លោក Min Yusof អ្នកច្នៃម៉ូដខាង AND (អេ អិន ឌី ) បានបង្ហាញនូវអារម្មណ៍រីករាយជាខ្លាំង សម្រាប់ការចូលរួមនៅក្នុងសន្នីសីទសារព័ត៌មាននៅក្នុងថ្ងៃនេះ ដើម្បីត្រៀមនឹងបង្ហាញស្នាដៃថ្មីសម្រាប់ព្រឹត្តិការណ៍ Phnom Penh Designers Week ក្រោមប្រធានបទ « Fashion In A Changing World » ។
លោក Alan Jame Flux អ្នករចនាម៉ូដឱ្យ A.N.D ព្រមទាំងម៉ូដដែលរបស់លោក បានបង្ហាញពីចំណាប់អារម្មណ៍របស់ពួកគាត់ថា ពួកគាត់ពិតជារីករាយណាស់ដែលបានចូលរួមក្នុងព្រឹត្តិការណ៍ Phnom Penh Designers Week នៅក្នុងឆ្នាំនេះ ពួកគាត់រំពឹងថា ស្នាដៃថ្មីរបស់ខ្លួននៅក្នុងរដូវកាលថ្មីនេះកាន់តែទទួលបានការចាប់អារម្មណ៍ពីមហាជន ។ ក្នុងនោះដែលលោក ឯម រៀម ព្រមទាំងអ្នកចូលរួមផ្សេងៗទៀត ក៏បានបង្ហាញពីចំណាប់អារម្មណ៍របស់ពួកគាត់ថា ព្រឹត្តិការណ៍ Phnom Penh Designers Week ក្នុងឆ្នាំនេះពិតជាប្លែកនិងអស្ចារ្យនឹកស្មានមិនដល់ ។
គួរបញ្ជាក់ផងដែរថា Phnom Penh Designers Week រៀបចំ និងផលិតដោយ Fashion Lab Magazine សហការជាមួយ Connexion , OCIC , Minerva TV , Samai និង Luxee Academy & Beauty Center , Sovrin Magazine ។ សម្រាប់ស្នាដៃនិងការបង្កើតភាពទាក់ទាញស្រ្តីរបស់ SCT ទៅ Boho ឡូយចម្រុះ ដោយអ្នកច្នសម៉ូដខាង A.N.D និងការទំនោរតិចតួចមួយចំនួនដោយ Don Protasio សម្លៀកបំពាក់ស្រី្ត និងទាក់ទាញអារម្មណ៍ ។ រចនាបទថ្មីនៅក្នងទីក្រុងនៃផ្នែកសម្លៀកបំពាក់បុរសរួមជាមួយនិងការប្រមូលផ្តុំម៉ូដពី Ambre Men , ដូចដែល Drewe Taylor ផ្តល់នូវការលាយចម្រុះពណ៌ទន់ជាងមនុស្សសម្រាប់អ្នកគាំទ្ររបស់គាត់ ។ ហើយ Christine Gauthier ត្រឡប់មកវិញជាមួយនិងម៉ូដដ៏ប៉ិនប្រសប់របស់គាត់ ដែលប្រើស្ទីលឡូយ គួរឱ្យភ្ញាក់ផ្អើល និងឃើញអ្វីៗប្លែកគួរឱ្យចាប់អារម្មណ៍ ៕