ឌុច លីដា មិនទាន់ទាំងចប់ការភ័យបុកពើនៅឡើងទេមកទល់នឹងពេលនេះព្រោះតែឈុតឆាកក្ដីសាច់មួយចំនួនក្នុងរឿង”រសជាតិអ្នកមានវគ្គ៣” នាងមិនបានប្រាប់ស្វាមីនោះទេពេលសម្ដែងចប់។ យ៉ាងណាខណៈរឿងនេះមិនទាន់រលត់ផង ស្រាប់តែអតីតតារាសិចស៊ីរូបនេះ ពោលពាក្យជាថ្មី ដោយហាក់បង្ហាញពីរឿងផ្ទាល់ខ្លួន ខ្លួនឯងដូចទៅនឹងសាច់រឿងក្នុងភាពយន្តតែម្ដង។
តារារូបនេះបាននិិយាយថាកើតមកជាមនុស្សស្រីចាំតែខុសមែនទេ មានប្តីរស់នៅមិនចុះសម្រុងនឹងគ្នាបើនៅទ្រាំវាឈឺចាប់ខ្លាំង បើលះលែងគ្នាញាតិថាមកពីយើងស្រីចេះចុះ ហឹុម ហើយចុះបើជាអ្នកវិញគួរគិតធ្វើមិច?
ឌុច លីដា បន្តថាជីវិតគ្រួសារមិនជាមិនងាយស្រួលប៉ុន្មាននោះទេ ដោយទាមទារឱ្យភាគីទាំងសងខាងចេះយោគយល់គ្នាទៅវិញទៅមក និងអធ្យាស្រ័យគ្នា ដោយកុំតែអង្គុយចាប់កំហុសតូចតាច ដែលធ្វើឱ្យបញ្ហាកាន់តែរីកធំរហូតឈានដល់ការបាក់បែក។
តួអង្គសំខាន់ក្នុងរឿង”រសជាតិអ្នកមានវគ្គ៣” បញ្ជាក់ទៀតថាគ្មានគ្រួសារណា ឬជីវិតគូណាដែលមិនធ្លាប់ប៉ះទង្គិចពាក្យសម្ដីគ្នានោះទេ គ្រាន់តែថាតិចឬច្រើន ហើយចេះខន្តីគ្នាទៅវិញទៅមកនោះជីវិតគូនឹងកាន់តែប្រសើរឡើង។
ងាកមកស្នាដៃកំពុងចាក់ផ្សាយនៅ PNN ឯនេះវិញឌុច លីដា ជឿជាក់ថា ស្នាដៃថ្មីរបស់ខ្លួននឹងទទួលបានការគាំទ្រខ្លាំងពីទស្សនិកជន ដោយសាររឿងនេះបង្កប់ទៅដោយសាច់រឿងជាច្រើនដែលបានកើតឡើងក្នុងសង្គម រួមទាំងបង្កប់ទៅដោយការអប់រំ ។ ប្រសិនបើចង់ដឹងច្បាស់ថា រឿង « រសជាតិអ្នកមាន » វគ្ក ហេឡូអ្នកម៉ាក់ ល្អមើលយ៉ាងណាកុំភ្លេចរងចាំទស្សនាទាំងអស់គ្នានៅលើកញ្ចក់ទូរទស្សន៍ ភីអិនអិន ៕
