ក្រោយជួបរឿងឆបោកក្នុងជីវិតលើកដំបូងទាំងមិនគួរឱ្យជឿ យក់ ឋិតរដ្ឋា ទទួលការជួយជ្រោមជ្រែងពីលោកជំទាវ ហ៊ុន ស៊ីណាត

បន្ទាប់ពីជួបគ្រោះធំក្នុងជីវិតទាំងមិនគួរឱ្យជឿលើរឿងឆបោកអចលនទ្រព្យអតីតតារាចម្រៀងល្បីឈ្មោះអ្នកនាង យក់ ឋិតរដ្ឋា និងស្វាមីលោក ឃុំ ប៉ុណ្ណាដែត កាលពីព្រឹកថ្ងៃទី១០ ខែមិថុនា ឆ្នាំ២០២២នេះ បានទទួលការជួបជ្រោមជ្រែង និងឧបត្ថម្ភខ្លះពីលោកជំទាវ ហ៊ុន ស៊ីណាត។
តារាចម្រៀងរូបនេះបាននិយាយថា អ្នកនាងនិងស្វាមី ព្រមទាំងគ្រួសារទទួលបានការឧបត្ថមជាទឹកប្រាក់មួយចំនួនពីលោកជំទាវ ហ៊ុន ស៊ីណាត ដើម្បីដោះស្រាយជីវភាពគ្រួសារដែលកំពុងខ្វះខាតនៅពេលនេះ។

យក់ ឋិតរដ្ឋា រៀបរាប់ថា «អរុណសួរស្តីបងប្អូន ទាំងអស់គ្នា នាងខ្ញុំ និង ស្វាមីព្រមទាំងកូនៗទាំងបី សូមគោរពថ្លែងអំណរគុណយ៉ាងជ្រាលជ្រៅ ចំពោះលោក ជំទាវម៉ែ ហ៊ុន សុីណាត ដែលបានផ្តល់ថវិកាចំនួន ១,០០០,០០០៛ ដល់ចៅៗ និងបានផ្តល់ថវិកាមួយចំនួនទៀតទុកគ្រាន់ដោះស្រាយជីវភាពចំនួន$200 កូនទាំងពីរមានតែម្រាមដៃដប់សំពះអរគុណអ្នកម៉ែ មានសុខភាពល្អ ដើម្បីជាម្លប់ដល់កូនចៅ»។
បន្ទាប់ពីបានឃើញទឹកចិត្តសប្បុរសរបស់លោកជំទាវ ហ៊ុន ស៊ីណាត មហាជនបាននាំគ្នាចូលទៅ Comment មតិយោបល់ផ្សេងៗបង្ហាញពីសាទរ និងលើកសរសើរពីទឹកចិត្តដ៏ថ្លៃថ្លារបស់លោកជំទាវ ហ៊ុន ស៊ីណាត ដែលតែងតែជួយដល់គ្រប់គ្នាដែលមានទុក្ខលំបាក។
គេនៅចាំបានថា ជីវភាពក្រុមគ្រួសាររបស់តារាចម្រៀង យក់ ឋិតរដ្ឋា និងលោក ឃុំ ប៉ុណ្ណាដែត ច្រើនឆ្នាំមកនេះគឺប្រសើរឡើងជាធម្មតា ថែមទាំងមើលទៅមានសុភមង្គលខ្លាំងថែមទៀតផង ទើបតែថ្មីៗនេះប៉ុណ្ណោះដែលគេបានលេចឮដំណឹងថា ជីវភាពគ្រួសារនេះហាក់មានសភាពខ្សត់ខ្សោយ រហូតត្រូវខ្ចីលុយមិត្តភក្ដិ ដើម្បីទិញទឹកដោះគោឱ្យកូនទៀតផង។
តារាចម្រៀង យក់ ឋិតរដ្ឋា សុំមិនទាន់និយាយអ្វីច្រើនអំពីរឿងនេះ នាងថា រងចាំមើលការដោះស្រាយជាមុន សិន។ នេះជាលើកដំបូងហើយដែលនាងជួបប្រទះក្នុងជីវិត ។ បើតាមប្រភព័ត៌មានស្និទ្ធជាមួយតារាចម្រៀងរូបនេះបានបង្ហើបប្រាប់ថា យក់ ឋិតរដ្ឋា កំពុងជួបរឿងឆកបោកក្នុងអាជីពរកស៊ី ហើយកំពុងប្តឹងផ្តល់គ្នា ។
គួររំលឹកផងដែរថា តារាចម្រៀង យក់ ឋិតរដ្ឋា និង ស្វាមីរបស់ខ្លួនបានលេចធ្លោខ្លាំងនៅលើផ្នែក អចនទ្រព្យ អ្នកទាំងពីរបានប្រឹងប្រែងតស៊ូរកស៊ីអស់ជាច្រើនឆ្នាំ មិនធ្លាប់មានបញ្ហាអ្វីឡើយទើបតែ ថ្មីៗនេះអ្នកទាំងពីរជួបនូវរឿងអាក្រក់ក្នុងជីវិត ។ ទោះបីជាកំពុងជួបនូវវិប្បត្តិធ្ងន់ធ្ងរ តារាចម្រៀង យក់ ឋិតរដ្ឋា នៅតែរឹងមាំ ហើយនាងនៅតែទទួលការងារសិល្បៈដូចដើម …៕

Leave a Reply

Your email address will not be published. Required fields are marked *

Share via
Copy link
Powered by Social Snap